Month: November 2024

ગુજરાત પ્રેસ અકદામી ગાંધીનગર અને જિલ્લા માહિતી કચેરી, વલસાડના સંયુક્ત ઉપક્રમે નેશનલ પ્રેસ ડેની ઉજવણી નિમિત્તે પ્રેસ સેમિનારનું આયોજન વલસાડના તિથલ રોડ પર સ્થિત ઈચ્છાબા અનાવિલ સમાજની વાડીમાં કરવામાં આવ્યું હતું. જિલ્લાના પત્રકારોની પાંખી હાજરી વચ્ચે યોજાયેલ આ સેમિનારને જિલ્લા કલેકટર નૈમેષ દવે સહિતના મહાનુભાવોએ દીપ પ્રગટાવી ખુલ્લો મુક્યો હતો.  આ પ્રેસ સેમિનારના અધ્યક્ષસ્થાનેથી જિલ્લા કલેકટર નૈમેષ દવેએ નેશનલ પ્રેસ ડેનું મહત્વ સમજાવી જણાવ્યું કે, વિકટ પરિસ્થિતિમાં પોતાના જીવને પણ જોખમમાં મુકી સાચી માહિતી લોકો સુધી પહોંચાડવાનું ભગીરથ કાર્ય મીડિયા કર્મીઓ કરી રહ્યા છે તેને બિરદાવુ છું. વહીવટી તંત્ર દ્વારા કોઈ ક્ષતિ રહી ગઈ હોય તો તે અંગે પણ પત્રકારો ધ્યાન દોરે છે જેથી વધુ સારી કામગીરી થઈ શકે. ધરમપુરમાં ઉજવાયેલા જનજાતિ ગૌરવ દિવસની ઉજવણીનું રિપોર્ટિંગ ખૂબ જ સરસ રીતે થયુ હોવા બદલ પત્રકાર મિત્ર...

 ડાંગ જિલ્લાના આહવા ખાતે ગતરોજ ભગવાન બિરસા મુંડાની જન્મ જયંતી અને "જનજાતીય ગૌરવ દિવસ"  ગુજરાતના મુખ્યમંત્રી ભુપેન્દ્ર પટેલના અધ્યક્ષ સ્થાને યોજાયો હતો. આ કાર્યક્રમમાં લોકસભાના દંડક અને વલસાડ/ ડાંગના સાંસદ ધવલ પટેલ લીખિત પુસ્તક "Modi With Tribals" નું વિમોચન મુખ્યમંત્રી ભુપેન્દ્ર પટેલના હસ્તે કરવામાં આવ્યું હતું,  આદિવાસી પરિવારોના સામાજિક આર્થિક વિકાસ તેમજ આદિવાસી સંસ્કૃતિના સંવર્ધન માટે દેશના વડાપ્રધાન નરેન્દ્ર મોદીના અથાક પુરુષાર્થની ગાથા આ પુસ્તકમાં વણી લેવામાં આવી છે. જે વાચકો માટે ઘણી રસપ્રદ બની રહેશે તેવું મુખ્યમંત્રી દ્વારા તેમના વિવિધ સોશિયલ મીડીયા પ્લેટફોર્મના માધ્યમથી જણાવવામાં આવ્યું હતું. ...

  ઉમરગામ વલસાડ જિલ્લાના ઉમરગામ GIDC માટે વેસ્ટર્ન રેલવે દ્વારા ગુડ્સ ટ્રેન અને પેસેન્જર ટ્રેનના સ્ટોપેજ આપવામાં આવે તો, અંદાજીત 1 લાખ પેસેન્જરો અને 2 હજાર જેટલા ઔદ્યોગિક એકમોને ફાયદો થઈ શકે તેવા શુભ આશયથી શુક્રવારે વેસ્ટર્ન રેલવેના GM અને DRM સહિતના અધિકારીઓએ UIA સાથે ચર્ચા કરી હતી. વેસ્ટર્ન રેલવેના જનરલ મેનેજર અશોકકુમાર મિશ્રા, DRM નીરજ વર્મા, COM માલેગાંવકર સહિતના અધિકારીઓ ઉમરગામ રેલવે સ્ટેશનની અને ઉમરગામ GIDC ની મુલાકાતે આવ્યાં હતા. જેઓ સાથે ઉમરગામ ઇન્ડસ્ટ્રીઝ એસોસિએશન દ્વારા ગુડ્સ ટ્રેન અને પેસેન્જર ટ્રેનના સ્ટોપેજ માટે ધારદાર રજુઆત કરી હતી. શુક્રવારે વેસ્ટર્ન રેલવેના જનરલ મેનેજર અને DRM સહિતના અધિકારીઓનો કાફલો સ્પેશિયલ SPICમાં ઉમરગામ રેલવે સ્ટેશને ઉતર્યા હતાં. જ્યાંથી તેઓએ ઉમરગામ માં આવેલ ડોમ્સ ઇન્ડસ્ટ્રીઝ ની મુલાકાત લેવા સાથે UIA (ઉમરગામ ઇન્ડસ્ટ્રીઝ એસોસિએશન...

કેન્દ્રશાસિત પ્રદેશ દાદરા અને નગર હવેલીમાં જંગલી પક્ષીઓના વેપારની વિશ્વસનીય માહિતી મળ્યા બાદ, વન વિભાગની સંયુક્ત ટીમે ઝડપી કાર્યવાહી કરી છે. DNH & DD અને Wildlfe Crime Control Buereu (WCCB) મુંબઈએ દુધની નજીકના કરચોંડ ઉમરમાથા ખાતેથી Barn Owl (ઘુવડ) સાથે 2 વ્યક્તિઓની ધરપકડ કરી કાયદેસરની કાર્યવાહી હાથ ધરી છે. આ અંગે મળતી વિગતો મુજબ ઝડપાયેલ બન્ને વ્યક્તિઓમાં એક દુધની પંચાયત સભ્ય કૌશલ મોહનનો પતિ મોહન કરપટ છે. જેના કબજામાંથી જીવંત બાર્ન ઘુવડ (સ્થાનિક ભાષામાં ડીડુ તરીકે ઓળખાય છે) જપ્ત કર્યું હતું. જેની સાથે દપાડાના ડુંદ્રીપાડામાં રહેતા વેપારી એવા ઉત્તમ મનસુ મહલની પણ ધરપકડ કરી હતી. આરોપીઓ જે ઘુવડની હેરાફેરીમાં પકડાયા છે. તે બાર્ન ઘુવડને વાઇલ્ડલાઇફ (પ્રોટેક્શન) એક્ટ, 1972 હેઠળ સંરક્ષિત કરવામાં આવ્યું છે અને શિડયુલ-1 હેઠળ સૂચિબદ્ધ છે. એટલે આ સંરક્ષિત વન્યજીવોનો શિકાર કરવો કે કબજો કરી તેના ...

વાપીમાં એક શ્રમિક પરિવારનો પાંચ વર્ષનો બાળક બીજા માળેથી પડી ગયો હતો. જેની ગરદનથી માથાના ભાગે એક સળિયો આરપાર નીકળી ગયો હતો. જેનું વાપીની ખાનગી હોસ્પિટલના તબીબોએ સફળ ઓપરેશન કરી બાળકને નવજીવન આપ્યું છે. આ ઓપરેશનનો તમામ ખર્ચ પણ હોસ્પિટલે પોતે ભોગવ્યો છે. વાપીમાં આવેલ હરિયા હોસ્પિટલમાં એક પાંચ વર્ષના બાળકનું અજીબોગરીબ ઓપરેશન કરી બાળકનો જીવ બચાવી લેવાયો છે. ગરદનના પાછળના ભાગેથી માથાના ભાગે આરપાર નીકળેલા સળિયાને બહાર કાઢી તબીબોએ સફળ ઓપરેશન કર્યું છે. ગત 12મી ઓક્ટોબરે વાપીની હરિયા હોસ્પિટલમાં એક ગંભીર રીતે ઘાયલ બાળકને સારવાર માટે લાવવામાં આવ્યો હતી. આદિત્ય નામના આ પાંચ વર્ષના બાળકના માથામાં આરપાર સળિયો ઘુસી ગયો હતો. જેના સફળ ઓપરેશન અંગે હરિયા હોસ્પિટલના ન્યુરોસર્જન વાસુદેવ ચાંદવાણીએ જણાવ્યું હતું કે, વાપીના ભડકમોરા વિસ્તારમાં એક કન્સ્ટ્રકશન સાઈડ ઉપર કામ કરતા શ્રમિક રવિન્દ્ર રાજભરના પાંચ વર્ષ...

દેશના મહામુહિમ રાષ્ટ્રપતિ દ્રૌપદી મુર્મુ કેન્દ્રશાસિત પ્રદેશ દાદરા નગર હવેલી અને દમણ-દિવની 2 દિવસીય મુલાકાતે પધાર્યા છે. જેની મુલાકાતના બીજા દિવસે તેઓએ દાદરા નગર હવેલીના સેલવાસની મુલાકાત લીધી અહીં રાષ્ટ્રપતિ શ્રીમતી દ્રૌપદી મુર્મુએ શાળા, ગેમ ઝોનનું ઉદ્ઘાટન કરવા સાથે નમો મેડિકલ કોલેજની મુલાકાત લઈ વિદ્યાર્થીઓ સાથે વાર્તાલાપ કર્યો હતો. દાદરા નગર હવેલીના સેલવાસની મુલાકાતે આવેલા રાષ્ટ્રપતિ શ્રીમતી દ્રૌપદી મુર્મુએ સેલવાસમાં પોતાનો સમય વિતાવ્યો હતો. જે દરમ્યાન શાળા કોલેજની મુલાકાત લેવા ઉપરાંત વૃક્ષારોપણ કર્યું હતું. તેમજ એક સમારોહમાં હાજરી આપી પ્રદેશવાસીઓને સંબોધિત કર્યા હતા. કેન્દ્રશાસિત પ્રદેશ દાદરા નગર હવેલીના સેલવાસની મુલાકાતે આવેલા રાષ્ટ્રપતિ શ્રીમતી દ્રૌપદી મુર્મુજીએ આજે પૃથ્વીરાજ ચૌહાણ શાળા અને નરૌલી પંચાયત ઘરની મુલાકાત લીધી હતી. આ પ્રસંગે તેમણે શાળાના શિક્ષકો સાથે સંવાદ કર્યો અને ...

  પ્રધાનમંત્રી નરેન્દ્ર મોદીએ બુધવારે બિહારનાં દરભંગામાં સ્વાસ્થ્ય, રેલ, માર્ગ, પેટ્રોલિયમ અને કુદરતી ગેસ ક્ષેત્રો જેવા આશરે રૂ. 12,100 કરોડનાં મૂલ્યનાં વિવિધ વિકાસકાર્યોનો શિલાન્યાસ અને ઉદઘાટન કર્યું હતું. તો, ભારતનાં વિવિધ રેલવે સ્ટેશનો પર 18 પ્રધાનમંત્રી ભારતીય જન ઔષધિ કેન્દ્રોનું વિડિઓ કોન્ફરન્સના માધ્યમથી લોકાર્પણ કર્યું હતું. જેમાં વાપી રેલવે સ્ટેશને પણ પ્રધાનમંત્રી ભારતીય જનઔષધી કેન્દ્રનો શુભારંભ કર્યો હતો. આ પ્રસંગે વેસ્ટર્ન રેલવેના DRM નીરજ વર્મા, સાંસદ ધવલ પટેલ સહિતના રાજકીય આગેવાનો, રેલવેના અધિકારીઓ ઉપસ્થિત રહ્યા હતાં. બુધવારે પ્રધાનમંત્રીએ ભારતનાં વિવિધ રેલવે સ્ટેશનો પર 18 પ્રધાનમંત્રી ભારતીય જન ઔષધિ કેન્દ્રોનું લોકાર્પણ કર્યું હતું. આ મુસાફરો માટે રેલવે સ્ટેશનો પર સસ્તી દવાઓની ઉપલબ્ધતાની ખાતરી આપશે. તે જેનરિક દવાઓની સ્વીકૃતિ અને જાગૃતિને પ્રોત્સાહન પણ આપશે, જેથી...

કેન્દ્રીય જળ શક્તિ વિભાગના કેબિનેટ મંત્રી, ગુજરાત પ્રદેશ ભારતીય જનતા પાર્ટી પ્રમુખ સી. આર. પાટીલ, પ્રદેશ સંગઠન મહામંત્રી રતનાકરજીની સુચના અને માર્ગદર્શન મુજબ બુધવારે (179) વલસાડ વિધાનસભા ના ધારાસભ્ય ભરતભાઇ પટેલ દ્વારા વલસાડ શ્રી ચન્દ્રમોલિશ્વર મહાદેવજી મંદીર ખાતે "સ્નેહમિલન કાર્યક્રમ" નું આયોજન અપેક્ષિત શ્રેણીના કાર્યકર્તાઓ સાથે કરવામાં આવ્યું હતું, આ સ્નેહ મિલન કાર્યક્રમ અંગે વલસાડ જિલ્લા ભાજપના મીડિયા કન્વીનર દિવ્યેશ કૈલાશનાથ પાંડેએ આપેલી અખબારી યાદી મુજબ મુખ્ય મહેમાન તરીકે લોકસભાના દંડક વલસાડ/ડાંગ ના સાંસદ ધવલ પટેલ તેમજ અતિથિ વિષેશ તરીકે વલસાડ જિલ્લા ભારતીય જનતા પાર્ટી ના પ્રમુખ હેમંત કંસારા વિશેષ હાજર રહ્યા હતા. વલસાડ ના ધારાસભ્ય ભરત પટેલે "સ્નેહમિલન કાર્યક્રમ" મંચસ્ત મહાનુભાવો સહિત ઉપસ્થિત મહાનુભાવોનું શાબ્દિક સ્વાગત કરી નવા વર્ષની શુભકામનાઓ પાઠવી હતી, અને આવનાર સમયમાં કેન્દ્ર,ર...

  ગુજરાતના વલસાડ જિલ્લાના વાપી ખાતે રહેતા અને હાલમાં ઓસ્ટ્રેલિયામાં અભ્યાસ કરતા શશાંક જૈને દુબઈ (UAE)માં આયોજિત 2024 વર્લ્ડ મેન્ટલ સ્પોર્ટ્સ ઓલિમ્પિક (Memorid World Mental Sports Olympics)માં મેન્ટલ મલ્ટીપ્લિકેશન અને મેન્ટલ સ્ક્વેર રૂટ્સમાં ગોલ્ડ મેડલ અને મેન્ટલ ડિવિઝનમાં બ્રોન્ઝ મેડલ મેળવી વાપી સહિત ભારતનું નામ રોશન કર્યું છે. આ 22 વર્ષીય યુવા ગણિતશાસ્ત્રી શશાંક જૈને 6-અંકની સંખ્યાઓના વર્ગમૂળની ગણતરીમાં એક નવો વિશ્વ રેકોર્ડ બનાવ્યો છે. (Mental Division) અને (Mental Square Root 6-Digits) આ સિદ્ધિ મેળવનાર શશાંકે 7 નવેમ્બર 2024ના રોજ UAEના શારજાહમાં આયોજિત આંતરરાષ્ટ્રીય સ્પર્ધામાં માત્ર 27.36 સેકન્ડમાં આ સિદ્ધિ હાંસલ કરી છે. અને તેનો પોતાનો જ અગાઉનો 61.34 સેકન્ડનો રેકોર્ડ તોડ્યો છે. શશાંકનું આ અદ્ભુત પ્રદર્શન તેની ગાણિતિક ક્ષમતા, સમર્પણ અને શિસ્ત અંગે તેમણે જણાવ્યું હતું ...

સંઘપ્રદેશ દમણ-દીવ અને દાદરા નગર હવેલીની 2 દિવસની મુલાકાતે આવેલા રાષ્ટ્રપતિ દ્રોપદી મૂર્મુનું પ્રશાસક પ્રફુલ પટેલે ભવ્ય સ્વાગત કર્યું છે.  તો, રાષ્ટ્રપતિ દ્રોપદી મૂર્મુએ મોટી દમણમાં જામપોર સ્થિત પક્ષીઘરની મુલાકાત લીધી હતી. તેમજ રામસેતુ પર દરિયા કિનારે વિવિધ ખાદ્ય સામગ્રી વેંચતા સિલ્વન દીદી સ્ટોલ ધારકોને મળી તેમની સંઘર્ષગાથા સાંભળી હતી. મોડી સાંજે પ્રશાસન દ્વારા આયોજિત સાંસ્કૃતિક કાર્યક્રમમાં હાજરી આપી કલાકારોને બિરદાવ્યા હતાં.  મંગળવારે કેન્દ્રશાસિત પ્રદેશ દમણની મુલાકાતે આવેલા રાષ્ટ્રપતિ દ્રોપદી મૂર્મુ બપોરે 2:30 કલાકની આસપાસ દમણના કોસ્ટગાર્ડ એર સ્ટેશન ખાતે હેલિકોપ્ટર મારફતે ઉતર્યા હતા. જ્યાં પ્રદેશના પ્રશાસક પ્રફુલભાઈ પટેલ દ્વારા તેમનું પુષ્પગુચ્છ અને મોમેન્ટો આપી સ્વાગત કરવામાં આવ્યું હતું. કોસ્ટગાર્ડના જવાનો દ્વારા રાષ્ટ્રપતિને ગાર્ડ ઓફ ઓનર આપી સન્માન કર્યું હતું. અંદાજીત 38 જેટલી ...