Month: September 2024

વાપીમાં બની રહેલ નવા ઓવરબ્રિજ અને અન્ડરપાસ ના ઠપ્પ કામકાજ સાથે ઝંડાચોક પર PWD દ્વારા લગાવેલ બેરીકેડથી સ્થાનિક દુકાનદારો પરેશાન હતાં. જે સ્થળની વાપી ડિવિઝનના DySP બી. એન. દવેએ સ્થળ મુલાકાત લઈ, કોન્ટ્રકરને તેમનો માલસામાન હટાવવા સૂચના આપતા દુકાનદારોમાં ખુશીનો માહોલ જોવા મળ્યો છે. આ સાથે આ તમામ માલસામાન અને બેરીકેડ હટાવાથી ટ્રાફિક સમસ્યા પણ હળવી બનશે.આ અંગે વાપી ડિવિઝનના DySP બી. એન. દવેએ જણાવ્યું હતું કે, વાપીને ઇસ્ટ-વેસ્ટ સાથે જોડવા અહીં પહેલા એક ઓરબ્રિજ હતો. જેના પરથી વાપી, દમણના વાહનચાલકો પસાર થતા હતાં. ટ્રાફિકથી ધમધમતા આ ROB ને વધુ સુવિધાજનક બનાવવા હાલમાં તેને તોડી પાડી તેના સ્થળે નવા ROB અને RUB નું કામકાજ હાથ ધરાયુ છે. પરંતુ, ચોમાસાને કારણે કામકાજ ઠપ્પ છે. તો, વાપી ઝંડાચોક વિસ્તારમાં PWD દ્વારા બેરીકેડ લગાવી તેમાં કોન્ટ્રકટર નો માલસામાન પડેલો હોય તેનાથી સ્થાનિક દુકાનદારો પરેશાન હતાં. ...

  વાપીમાંથી પસાર થતા નેશનલ હાઇવે નંબર 48 પર છરવાડા અન્ડરપાસ બન્યા બાદ આ સ્થળે ટ્રાફિક સમસ્યા વકરી છે. તો, અહીં વૈશાલી બ્રિજના બંને છેડા પૈકીના એક છેડે ટૂંકો ગેપ અને બીજા છેડે રોંગસાઈડ આવતા વાહનોથી અકસ્માતનો ભય રહેલો છે. જેના નિરાકરણ માટે રોડની ડિઝાઇનમાં કેવો ફેરફાર કરી શકાય અને કેવી રીતે ટ્રાફિકની અને અકસ્માતની સમસ્યાનું નિવારણ લાવી શકાય તે માટે ગુરુવારે વાપી ડિવિઝનના DySP બી. એન. દવે અને NHAI ના વલસાડ વિભાગના ટીમ લીડર કમલ જૈન તેમજ પાલિકા, નોટિફાઇડના એન્જીનીયર સાથે સ્થળ મુલાકાત કરી હતી.આ અંગે વાપી ડિવિઝનના DySP બી. એન. દવે એ જણાવ્યું હતું કે, કલેકટર ની અધ્યક્ષતામાં રોડ સેફટી કમિટીની મીટીંગ મળી હતી. જે મિટિંગમાં થયેલ ચર્ચા મુજબ વાપી વિસ્તારની જે ટ્રાફિક સમસ્યાઓ છે. તેની જે તે વિભાગના અધિકારીઓ સાથે રૂબરૂ વિઝીટ કરી તેનો રિપોર્ટ સુપ્રત કરવા સૂચના આપી હતી.જેના અનુસંધાને તેઓએ નેશનલ હાઈ...

વાપી GIDC માં આવેલ આરતી એસિડ પ્લાન્ટમાંથી ઝઘડિયા જઈ રહેલ ટેન્કરમાંથી ઉડેલા એસિડના છાંટાથી ખાનગી કંપનીની બસમાં સવાર 6 જેટલા કામદારો દાઝી ગયા હતાં. જેઓને વાપીની ખાનગી હોસ્પિટલમાં સારવાર માટે ખસેડયા હતાં. જ્યાંથી 1 કામદારને  ઓબ્જર્વેશનમાં રાખી તમામને ડિસ્ચાર્જ કરી દેવામાં આવ્યાં છે. ઘટના એસિડ ભરેલ ટેન્કરના એરવેન્ટમાંથી ઉડેલ છાંટાના કારણે ઘટી હતી. જો કે, નેશનલ હાઇવે પરના ખાડાથી ટેન્કર પલ્ટી મારતા બચી ગયું હતું. અને સદનસીબે મોટી જાનહાની ટળી હતી.નેશનલ હાઇવે નંબર 48 પર પડેલા ખાડા જીવલેણ નીવડી રહ્યા છે. ત્યારે, ગુરુવારે આવા જ ખાડામાં એસિડ ભરેલ ટેન્કરનું વ્હીલ ખાબકયા બાદ મોટી દુર્ઘટના ટળી છે. ઘટના અંગે મળતી વિગતો મુજબ નેશનલ હાઈવે નંબર 48 પર વાપી GIDC ખાતે આવેલી આરતી કંપની ના એસિડ પ્લાન્ટમાંથી કેમિકલ ભરી ટેન્કર નંબર MH-04-KU-3636 અંકલેશ્વરના ઝઘડિયા જવા નીકળ્યું હતું. ટેન્કર હજુ તો માંડ બલિઠા પહોંચ્ય...

વાપી ટાઉન પોલીસ સ્ટેશન હદ વિસ્તારમાંથી 2.750 કિલોગ્રામ ગેરકાયદેસર ગાંજાના જથ્થા સાથે એક મહિલા આરોપીને ઝડપી પાડવામાં આવી છે. રૂપિયા 27,500ના આ ગેરકાયદેસર ગાંજા સહિત કુલ 38 હજારના મુદ્દામાલ સાથે ઝડપાયેલ મહિલા સામે વલસાડ SOG પોલીસે NDPS એકટ, 1985 મુજબનો ગુન્હો નોંધી વધુ તપાસ હાથ ધરી છે.આ અંગે SOG વલસાડ દ્વારા અપાયેલ વિગતો મુજબ શોધી પોલીસ મહાનિરીક્ષક અને વલસાડ જિલ્લા પોલીસ અધિક્ષક ડૉ. કરનરાજ વાઘેલાએ વલસાડ જિલ્લામાં ગેરકાયદેસર રીતે માદક પદાર્થનું વેચાણ તથા સેવન કરતા ઇસમો વિરૂધ્ધ કાયદેસરની કાર્યવાહી કરવા સૂચના આપેલ હતી. જે અનુસંધાને SOG PI એ. યુ. રોઝ તથા SOG પોલીસ સ્ટાફના માણસોએ પેટ્રોલિંગ હાથ ધર્યું હતું. તે દરમ્યાન વાપી ટાઉન પોલીસ સ્ટેશન હદ વિસ્તારમાં મોટી નાયકાવાડ, પાણીની ટાંકી પાસે, કચીગામ રોડ, વાપી ખાતે રહેતી શબનમ મોહંમદભાઇ સૈયદે પોતાના કબજાના ઘરમાં ગેરકાયદેસર રીતે માદક પદાર્થ ગાંજો રાખી ગ...

વાપીમાં બની રહેલા 144 કરોડના ROB, RUB નું કામકાજ છેલ્લા કેટલાક મહિનાઓથી ઠપ્પ પડ્યું છે. વાપીના આ ઝંડા ચોક વિસ્તારમાં ઠપ્પ કામગીરીના સ્થળે PWD ના અધિકારીઓએ બેરિકેડ ગોઠવી દીધા છે. જેને કારણે અહીં ગંદકીના ઢગ ખડકાયા છે. જે આવનારા સમયમાં હટાવવામાં નહિ આવે તો, રોગચાળો ફાટવાની દહેશત સ્થાનિક રહેવાસીઓ અને દુકાનદારોમાં ઉદભવી છે. જેના તાત્કાલિક નિવારણ માટે બેરિકેડ ખોલી સફાઈ કરવી જરૂરી હોય એ અંગે વલસાડ જિલ્લા કોંગ્રેસ સમિતિ અને સ્થાનિક દુકાનદારોએ PWD ની વાપી કચેરી ખાતે આવેદનપત્ર પાઠવ્યું છે. આ આવેદનપત્રમાં જણાવ્યું છે. કે, વાપી ઝંડા ચોક વિસ્તારમાં રેલ્વે ઓવરબ્રિજનું કામ માટે PWD દ્વારા બેરિકેડ લગાવવામાં આવ્યા હતા. પણ હાલ કામકાજ બંધ હોવાથી બેરિકેડની અંદર કચરો એકત્ર થતો રહ્યો છે. જે આસપાસના રહીશોને માટે ભારે સમસ્યા સર્જી રહ્યું છે. હાલમાં ઘણા નાના મોટા સાપ નીકળી રહ્યા છે. માખી, મચ્છરનો ત્રાસ વધ્યો છે. ...

વાપી મામલતદાર કચેરી ખાતે વાપી ડિવિઝનના નાયબ પોલીસ અધિક્ષકની અધ્યક્ષતામાં વાપી ગ્રામ્ય તથા વાપી શહેરનો તાલુકા કક્ષાનો સ્વાગત કાર્યક્રમ યોજાયો હતો. આ સ્વાગત કાર્યક્રમમાં કુલ 15 અરજીઓનો હકારાત્મક નિકાલ કરવામાં આવ્યો હતો.વાપી મામલતદાર કચેરી ખાતે તાલુકા સ્વાગત કાર્યક્રમનું આયોજન કરવામાં આવ્યું હતું. જેમાં વાપી ડિવિઝનના DySP બી. એન. દવે, મામલતદાર, ડેપ્યુટી મામલતદાર વીજય ગઢવીની ઉપસ્થિતિમાં સ્વાગત કાર્યક્રમનું આયોજન કરવામાં આવ્યું હતું. આ સ્વાગત કાર્યક્રમમાં ગ્રામ્ય તથા વાપી શહેરના અરજદારોએ પોતાની અરજી કરી હતી.જેમાં તમામ સરકારી કચેરીને લગતા જેમ કે,  વાપી નગરપાલિકા, વાપી સીટી સર્વેની ઓફિસ, મામલતદાર કચેરી, DGVCL અને અન્ય સરકારી કચેરીઓના પ્રશ્નો હતાં. જે તમામ અરજીઓ પૈકી 15 અરજીઓનો નિકાલ કરવામાં આવ્યો હતો. આ અરજીઓમાં વાપી નગરપાલિકાનાં તમામ વોર્ડમાં અમુક સ્ટ્રીટ લાઈટો બંધ છે તે ચાલુ કરવાની માંગ સાથેન...

વાપીમાં GIDC છરવાડા રોડ પર આવેલ રોફેલ BBA-BCA કોલેજનો " પ્રોત્સાહન 2024"  ઇનામ વિતરણ કાર્યક્રમ યોજાયો હતો. નામધા સ્થિત શ્રી પદ્મભૂષણ રજ્જુ શ્રોફ ઓડિટોરિયમ હોલમાં આયોજિત આ કાર્યક્રમમાં વલસાડ જિલ્લા કલેકટર સહિત કોલેજના ટ્રસ્ટીઓ ઉપસ્થિત રહ્યા હતાં. જેઓના હસ્તે કોલેજનું નામ રોશન કરનાર વિદ્યાર્થીઓ ને ટ્રોફી સહિતના ઇનામ આપી પ્રોત્સાહિત કર્યા હતા.અભ્યાસ સાથે વિદ્યાર્થીઓના વ્યક્તિત્વના વિકાસ માટે કોલેજમાં રમતગમત, ચિત્ર, સંગીત, નાટક, અભિનય ગીત, કવીઝ અને વકૃત્વ સ્પર્ધા જેવા કાર્યક્રમોનું આયોજન કરવામાં આવે છે. જેમાં કોલેજનું નામ રોશન કરનાર વિદ્યાર્થીઓ ને સન્માનિત કરવા રોફેલ BBA-BCA કોલેજનો "પ્રોત્સાહન 2024" ઇનામ વિતરણ કાર્યક્રમ યોજાયો હતો.કાર્યક્રમમાં વલસાડ જિલ્લાના કલેકટર નૈમેશ દવે  મુખ્ય મહેમાન, કોલેજના ટ્રસ્ટીઓ, આમંત્રિત મહેમાનો તેમજ રોફેલ બીબીએ-બીસીએ કોલેજના આચાર્ય ડૉ. પ્રિયકાન્ત વેદના હસ્તે વિ...

દમણ ઇન્ડસ્ટ્રીઝ એસોસિએશન (DIA)ની અધિકૃત વેબસાઇટ હેકર્સ દ્વારા હેક કરી દેવામાં આવી છે. DIA ની વેબસાઈટ www.diadaman.in ખોલતાની સાથે જ હેકર્સનો મેસેજ હેકડ બાય ડી.એક્સપ્લોઈટ મુસ્લિમ હેકર મલેશિયા સોલ્જર તથા ધાર્મિક નામ અંગેનો મેસેજ જોવા મળી રહ્યો છે. આ પ્રમાણે વેબ સાઈટ હેક થઈ જવાના કારણે દમણના વિવિધ ઉદ્યોગોની જરૂરી જાણકારી તથા મહત્વના ડેટા જોખમમાં મુકાઇ ગયા છે. જે પ્રમાણે વેબસાઇટ હેક થઈ છે એ જોતા ડી.આઈ.એ. દ્વારા વેબસાઇટના જરૂરી મેઇન્ટેનન્સ કાર્યમાં બેદરકારી દાખવી હોઈ એવું સ્પષ્ટ પણે દેખાઈ રહ્યું છે. મળતી માહિતી મુજબ DIA ની વેબસાઈટ છેલ્લા એક સપ્તાહથી હેક થઈ છે, આ મામલે જ્યારે મીડિયા દ્વારા ડી.આઈ.એ. ના પ્રમુખ સત્યેન્દ્રકુમાર સિંઘનો ટેલીફોનીક સંપર્ક સાધવામાં આવ્યો ત્યારે, તેમણે તેઓ બહાર હોઈ અને તેમને વેબસાઈટ હેક થઈ હોવા અંગે કોઈ  જાણકારી ન હોવાનું જણાવ્યું હતું. જે બાદ મીડિયા દ્વારા ડી.આઈ.એ. ના ...

વાપીમાં Fortune Park Galaxy ખાતે Arete Services Pvt. LTD. અને Rotary Club of Vapi Riverside દ્વારા Voluntary Blood Donation Campનું આયોજન કરવામાં આવ્યું હતું. Nukem Blood Bank Hariya Rotary hospital ના સહયોગમાં આયોજિત આ બ્લડ ડોનેશન કેમ્પમાં 112 બોટલ રક્ત એકત્ર કરાયું હતું.વાપીમાં ફોર્ચ્યુન પાર્ક ગેલેક્સીના તુલિપ હોલમાં અયોજીત આ 22માં રક્તદાન કેમ્પ અંગે Arete Services Pvt. LTDના મેનેજર દીપકકુમાર પટેલે જણાવ્યું હતું. કે, ફોર્ચ્યુન પાર્ક ગેલેક્સીના મેનેજર એમ. એ. પઠાણના સહયોગમાં વર્ષ 2002થી દર વર્ષે અહીં આ રક્તદાન કેમ્પનું આયોજન કરવામાં આવે છે. આ 22માં રક્તદાન કેમ્પમાં તેમની કંપનીના કર્મચારીઓ, તેમના પરિવારજનો, ફોર્ચ્યુન પાર્ક ગેલેક્સીમાં આવેલ તમામ સ્ટોરના સ્ટાફ દ્વારા રક્તદાન કરવામાં આવ્યું છે. છેલ્લા 22 વર્ષથી દર વર્ષે અવિરત યોજાતા આ રક્તદાન કેમ્પમાં 100 યુનિટથી વધુ રક્ત એકત્ર કરવામાં આવે છ...