નારગોલના ગ્રામજનોનું ગિફ્ટ સિટીમાં નશાબંધી હળવી કરવાના નિર્ણયને સમર્થન, નારગોલ પણ પ્રવાસન સ્થળ હોય ગિફ્ટ સીટી જેવી ભેટ આપવા માંગ
ઉમરગામ તાલુકાના નારગોલ ગામ ખાતે આવેલ વિકસિત ભારત સંકલ્પ યાત્રામાં ગ્રામ પંચાયતના મહિલા સરપંચ સ્વીટી યતીન ભંડારી અને ગ્રામજનોએ ઉપસ્થિત ધારાસભ્ય અને તાલુકા વિકાસ અધિકારી સમક્ષ અનોખી રજૂઆત કરી છે. ગ્રામજનોએ ગિફ્ટ સિટી ગાંધીનગરની માફક નારગોલ ગામને ગિફ્ટ વિલેજ તરીકે જાહેર કરી પ્રવાસનને વેગ આપવા માટે નશાબંધી હળવી કરવા માટેની માંગ કરી હતી.
છેલ્લા કેટલાક સમયથી ગામની અંદરથી વિવિધ સમાજના આગેવાનો દ્વારા મળી રહેલી રજૂઆતને ધ્યાનમાં રાખી મહિલા સરપંચ સ્વીટી ભંડારીએ આ સંકલ્પ યાત્રા દરમ્યાન ઉપસ્થિત પદાધિકારીઓ, અધિકારીઓ સમક્ષ રજૂઆત કરી છે. દક્ષિણ ગુજરાતના ઉમરગામ તાલુકાનું નારગોલ ગામ પારસીઓનું ઐતિહાસિક ગામ છે. જ્યાં સુંદર દરિયાકિનારો આવેલો હોવાથી વર્ષ દરમિયાન દેશ વિદેશના પ્રવાસીઓ આવતા હોય છે. તાજેતરમાં સરકાર દ્વારા નારગોલ ગામને કરોડોના ખર્ચે પ્રવાસન સ્થળ તરીકે વિકાસ કરવા માટેની તૈયારી શરૂ કરી છે.
આ મુદ્દ...