એક કરોડના ફ્લેટમાં રહેતા, AUDI માં ફરતા, વૈભવી જીવનશૈલી ધરાવતા ઘરફોડ ચોરની વલસાડ પોલીસે કરી ધરપકડ
વલસાડ પોલીસે ગુજરાત, મહારાષ્ટ્ર, આંધ્ર પ્રદેશ, તેલંગાના, મધ્ય પ્રદેશ, સંઘપ્રદેશ સેલવાસની મળી ને કુલ-19 ઘરફોડ ચોરીઓનો ભેદ ઉકેલી નાખ્યો છે. આ ઘરફોડ ચોરીમાં સંડોવાયેલ રીઢા ઘરફોડીયાને મહારાષ્ટ્ર ખાતેથી LCB ની ટીમે દબોચી લીધો છે. પકડાયેલ આરોપી ડ્રગ્સનો બંધાણી છે. ચોરી કરવા અલગ અલગ રાજયોમાં ફલાઇટ (હવાઇ માર્ગ) દ્રારા મુસાફરી કરી વૈભવી હોટલોમાં રાત્રી રોકાણ કરતો હતો. દિવસ દરમ્યાન ચોરીના ગુનાને અંજામ આપતો હતો. મુંબ્રા મહારાષ્ટ્ર ખાતે એક કરોડના વૈભવી ફલેટમા પોતાના પરિવાર સાથે રહેતો આ ચોર AUDI A4 કંપની લકઝુરીયસ કારમાં ફરે છે. ચોરીના પૈસા ડાન્સબાર તથા નાઇટ ક્લબમાં ઉડાડવાનો શોખીન છે.આ વૈભવી જીવનશૈલી ધરાવતા ચોરનું નામ રોહીત કનુભાઇ દયાભાઈ સોલંકી ઉર્ફે રોહિત ચેતન શેટ્ટી ઉર્ફે અરહાન ચેતન શેટ્ટી છે. અને ઉંમર માત્ર 24 વર્ષ છે. જેને વલસાડ પોલીસે ઝડપી લીધા બાદ તેના કબ્જામાંથી 1.98 લાખના સોનાના દાગીના, ચાંદીના ...