વાપીમાં સેલ્યુટ તિરંગાના ઉત્તમભાઈ પટેલ દ્વારા કાર સેવકોનું સન્માન કરી ભુખ્યાને ભોજન કરાવ્યું
22મી જાન્યુઆરી 2024 ભારતના ઇતિહાસ માટે સુવર્ણ અક્ષરે અંકિત થનારો દિવસ છે. આ દિવસે અયોધ્યામાં 500 વર્ષ બાદ રામ મંદિરમાં ભગવાન રામની પ્રતિમાની પ્રાણ પ્રતિષ્ઠા થવાની છે. જ્યારે આ અનેરા ઉત્સવના રંગે વાપી પણ રંગાયું છે. વાપીમાં સેલ્યુટ તિરંગા ના ઉત્તમભાઈ પટેલ દ્વારા વાપીથી અયોધ્યા કાર સેવા કરવા ગયેલા કારસેવકોનું સન્માન કરી ગરીબ કામદારોને સ્વાદિષ્ટ ભોજન કરાવ્યું હતું.
આ પ્રસંગે ઉત્તમભાઈ પટેલે જણાવ્યું હતું કે, અયોધ્યામાં જ્યારે ભગવાન રામની પ્રતિમા સ્થાપિત થઈ રહી છે. ત્યારે રામ મંદિર નો આ પ્રાણ પ્રતિષ્ઠા કાર્યક્રમ દિવાળી ઉત્સવ જેવો છે. જેની ઉજવણીમાં સહભાગી થવા એક દિવસ પહેલા વાપીમાં ચલા વિસ્તારમાં વાપીના કાર સેવકોને આમંત્રણ પાઠવી તેમનું સત્કાર સન્માન કરવામાં આવ્યું હતું.
ઉત્તમ ભાઈ પટેલ દ્વારા સન્માનિત વાપીના કાર સેવકો પૈકી શ્રીપાદ સોની નામના કાર સેવકે જણાવ્યું હતું કે, 1988 થી 1992 દ...