બ્રિજની અણઘડ ડિઝાઇન અને કામમાં દાખવેલી બેદરકારીએ લીધો કાર ચાલકનો ભોગ, માથું ધડથી અલગ
વાપી નજીક બગવાડા ટોલ નાકા પહેલા બનાવેલ નવા ઓવરબ્રિજના એન્ટ્રી પોઇન્ટ પર ગુરુવારે રાત્રે ગમખ્વાર અકસ્માત સર્જાયો હતો. અકસ્માતમાં કાર હાઈવેની ખુલ્લી રેલીંગ સાથે અથડાતા રેલિંગના પતરાએ કાર ચાલકનું માથું જ ધડથી અલગ કરી નાખ્યું હતું. ઉલ્લેખનીય છે કે, આ નવા બ્રિજની અણઘડ ડિઝાઇન અને તે બાદ તેના એન્ટ્રી પોઇન્ટ પર કામમાં દાખવેલી બેદરકારી કોઈકનો ભોગ લેશે તેવી દહેશત પહેલેથી જ લોકોમાં સેવાઇ હતી.
ઘટના અંગે મળતી વિગતો મુજબ ગુરુવારે રાત્રે આ ગમખ્વાર ઘટના ઘટી હતી. જેમાં એક RJ49-CA-6824 નંબરનો કાર ચાલક બગવાડા કંટોલી બ્રિજ પાસે પંહોચ્યો ત્યારે, બગવાડા સ્થિત નવા ઓવરબ્રિજના એન્ટ્રી પોઇન્ટ પાસે વલસાડ જતા રોડ પર હાઈવેની સાઈડ રેંલિંગમાં કાર સમેત ઘુસી ગયો હતો. જેમાં રેંલિંગના પતરાનો ખુલ્લો ભાગ કારનો કાચ તોડી ચાલકના ગળામાં ખુંપી જતા માથું ધડથી અલગ કરી દીધું હતું.
મોડી રાત્રે બનેલા આ કમકમાટીભર્યા અકસ્માતની ...