વાપી GIDC માં આ Super-30 જેવી અનેક કંપનીઓએ જાહેર માર્ગને બનાવ્યો પાર્કિંગ ઝોન….? કોના બાપની દિવાળી…?
વાપી ઇન્ડસ્ટ્રીયલ એરિયામાં GPCB ની અને GIDC ની ચોક્કસ ગાઈડલાઈન હોવા છતાં તેને સાઈડલાઈન કરી કંપની સંચાલકોએ જાહેર માર્ગને જ કંપનીના વાહનો માટેનો પાર્કિંગ પોઇન્ટ બનાવી દીધો છે. GIDC ના કોઈપણ ફેઈઝ માં જાઓ તમને હજારોની સંખ્યામાં વાહનો-સાયકલો કંપની પરિસર બહાર ક્યાંક ઉભા કરેલા હંગામી શેડમાં તો ક્યાંક પાકા શેડમાં ખડકલો થયેલો જોવા મળશે. જાહેર માર્ગ અને તેના માર્જિન બાદ કંપનીઓએ પોતાની દીવાલ તો તાણી બાંધી છે. પરંતુ ગ્રીન સ્પેસ સહિતનો એરિયા વાહનોના પાર્કિંગમાં ફેરવી નાખ્યો છે.
કંપની બહાર જાહેર માર્ગ પર ઉભા કરેલા આ પાર્કિંગ ઝોન ને કારણે GIDC ના માર્ગો પર પિક અવર્સ માં ટ્રાફિક જામ ની સમસ્યાનો નિવેડો આવતો નથી. નવાઈની વાત તો એ છે કે, આવા પાર્કિંગ ઝોન બનાવનાર કંપની સંચાલકો પૈકી મોટાભાગના સંચાલકો વાપી ઇન્ડસ્ટ્રીઝ એસોસિએશન સાથે, નોટિફાઇડ ગવર્નિંગ બોર્ડ સાથે કે ગ્રીન એન્વાયરો લિમિટેડ જેવી સંસ્થાઓ સાથે જોડા...