કૌશિક હરીયા ટેકનીકલ સેંટર માં મશીનરીની પૂજા અને માતાજીની આરતી સાથે દશેરા પર્વની ઉજવણી કરવામાં આવી
દશેરા પર્વ એટલે અસત્ય પર સત્યનો વિજય, આ પર્વના દિવસે હિન્દૂ શાસ્ત્ર મુજબ શસ્ત્ર પૂજન ઉપરાંત નવા વેપારની શરૂઆત તેમજ જે વેપાર કે ધંધો કરતા હોય તે સ્થળે જરૂરી તમામ સામગ્રીનું પૂજન કરવાનું મહત્વ છે. તો, માતાજી વેપાર ધંધા માં સતત બરકત આપતા રહે તેવા આશીર્વાદ માંગવામાં આવે છે.
ત્યારે આ પર્વને અનુલક્ષીને વાપીમાં આવેલ ITI કોલેજ એવી કૌશિક હરીયા ટેકનીકલ સેંટર (આઇ.ટી.આઇ.) માં 23મી ઓક્ટોબરે સોમવારના રોજ મશીનરીની પૂજા અને માતાજીની આરતીનો કાર્યક્રમ યોજવામાં આવ્યો હતો. જેમાં ચીફગેસ્ટ તરીકે રાજેશભાઇ એ. શાહ તથા સ્ટાફ અને તાલીમાર્થીઓએ ભકિતભાવ પૂર્વક માતાજીની આરતી કરી તમામ મશીનરીઓની પૂજા કરી હતી. તેમજ આ પર્વને ધ્યાને રાખી ગરબાનું આયોજન કર્યું હતું. જેમાં કોલેજના વિદ્યાર્થીઓ, પ્રાધ્યાપકો એ ગરબાની રમઝટ બોલાવી હતી.
...