રામલલાની પ્રાણ પ્રતિષ્ઠાના અનેરા ઉત્સવ સાથે વાપી ચલામાં શ્રી ભાગવત સેવા સમિતિ દ્વારા શ્રીમદભાગવત કથાનો પ્રારંભ, નાણામંત્રી, સાંસદ રહ્યા ઉપસ્થિત
એક તરફ અયોધ્યામાં ભગવાન રામની રામ મંદિરમાં પ્રાણ પ્રતિષ્ઠા થવાની છે. ત્યારે આ ઉત્સવને મહાઉત્સવ બનાવવા વાપીમાં 21મી જાન્યુઆરીથી વાપીના ચલા વિસ્તારમાં આવેલ સૂર્યવંશી મેગા સ્ટોરની સામે સન ગ્રાઉન્ડમાં શ્રીમદભાગવત સપ્તાહનું આયોજન કરવામાં આવ્યું છે. જેનું રાજ્યના નાણાપ્રધાન કનુભાઈ દેસાઈ, પદ્મશ્રી ગફુરભાઈ બીલખિયા, દમણ સાંસદ સહિતના રાજકીય આગેવાનો, ઉદ્યોગપતિ ઓની ઉપસ્થિતિમાં શુભારંભ કરવામાં આવ્યો હતો.
શ્રી ભાગવત સેવા સમિતિ વાપી દ્વારા આયોજિત આ શ્રીમદભાગવત કથાનું વિજય શાસ્ત્રીજી મહારાજ રસપાન કરાવવાના છે. 21મી જાન્યુઆરી 2024 થી 27 મી જાન્યુઆરી 2024 સુધી ચાલનારી કથાનો પ્રારંભ પોથીયાત્રાથી થયો હતો. કથા સ્થળે પોથીયાત્રા બાદ તેનું પૂજન કરવામાં આવ્યું હતું. વિશેષ ઉપસ્થિત રહેલા રાજ્યના નાણાપ્રધાન કનુભાઈ દેસાઇ, પદ્મશ્રી ગફુરભાઈ બીલખિયા, દમણના સાંસદ લાલુભાઇ પટેલ, ઉમરગામના ધારાસભ્ય રમણલાલ પાટકર, ઉદ્યોગપતિ ર...