ડુંગરાની બેકરીમાં લાગેલી આગે નજીકમાં આવેલ લાકડાના ગોડાઉનને ભડકે બાળતા મચી અફરાતફરી
વાપી નજીક સેલવાસ રોડ પર આવેલ ડુંગરા ના દેસાઈ વાડમાં રવિવારે બપોરે ભીષણ આગની ઘટના બની હતી. આ વિસ્તારમાં આવેલ એક બેકરીમાં સૌપ્રથમ આગ લાગી હતી. જે આગ પ્રસરતા નજીકના લાકડાના ગોડાઉનને ભડકે બાળ્યું હતું. વિકરાળ આગની જ્વાળામાં લાખોના લાકડા બળી ને ખાખ થયા હતાં. આગની જાણકારી વાપી નોટિફાઇડ ફાયરને મળતા ઘટના સ્થળે જઇ બે કલાકની મહેનત બાદ આગ પર કાબુ મેળવ્યો હતો.
વાપી નજીક આવેલ ડુંગરા વિસ્તારના દેસાઈવાડ માં જામાં મસ્જિદ નજીક મિર્ઝા અલીમુલ્લાહના નેશનલ ટ્રેડર્સ નામના લાકડાના ગોડાઉનમાં રવિવારે બપોરે ભીષણ આગ ભભૂકી ઉઠી હતી. આગની ઘટના બનતા આસપાસના વિસ્તારમાં અફરાતફરી મચી ગઇ હતી. આગને બુઝાવવા તાત્કાલિક વાપી નોટિફાઇડ ફાયરને જાણ કરાઈ હતી. ફાયરના જવાનો તાત્કાલિક લાયબંબા સાથે ઘટના સ્થળે પહોંચ્યા હતાં.
જોકે આગ વિકરાળ હોય પાણીના મારાથી કાબુમાં આવી નહોતી. જેથી તાત્કાલિક નોટિફાઇડના અન્ય ફાયરને તેમજ ખાનગી ઇન્ડસ્ટ્...