‘હર ઘર તિરંગા’ના નારાથી પ્રેરણા લઈ ‘હર ઘર રક્તદાતા…. ઘરઘર રક્તદાતા’ અભિયાન હેઠળ ભારતભ્રમણ પર નીકળેલા સાયકલ યાત્રીનું વાપીમાં સન્માન
ગત વર્ષે વડાપ્રધાન નરેન્દ્ર મોદીએ આઝાદીના 75માં વર્ષે અમૃત મહોત્સવની ઉજવણી નિમિત્તે હર ઘર તિરંગા નું આહવાન કર્યું હતું. જેમાંથી પ્રેરણા લઈ દેશમાં રક્તદાન પ્રત્યે લોકોમાં જાગૃતિ આવે તેવા ઉદેશ્ય સાથે સાયકલ પર ભારત ભ્રમણ કરવા નીકળેલા પશ્ચિમ બંગાળના કલકત્તાના સાયકલ યાત્રી જયદેવ રાઉતનું વાપીમાં આવેલ પુરીબેન પોપટ લાખા લાયન્સ બ્લડ બેન્ક ખાતે સન્માન કરવામાં આવ્યું હતું.
વાપીમાં વર્ષોથી રક્તની ઘટ નિવારવા પુરીબેન પોપટ લાખા લાયન્સ બ્લડ બેન્ક જરૂરીયાત મંદ દર્દીઓને રક્ત પૂરું પાડી રહી છે. આ બ્લડ બેન્ક ખાતે શનિવારે રક્તદાન અંગે લોકોમાં જાગૃતિ આવે તેના પ્રચાર માટે નીકળેલા સાયકલ યાત્રી જયદેવ રાઉતનું સન્માન કરવામાં આવ્યું હતું. લાયન્સ બ્લડ બેન્ક ખાતે જયદેવ રાઉતનું બ્લડ બેંકના ફાઉન્ડર મેમ્બર કેતન જોશી અને VIA ના પ્રમુખ કમલેશ પટેલ તેમજ સ્ટાફ દ્વારા ઉષ્માભર્યું સ્વાગત કરવામાં આવ્યું હતું.
આ પ્રસ...