ઉમરગામ નગરપાલિકાના પાંચ કોંગ્રેસી કોર્પોરેટરોએ ભાજપનો ખેસ ધારણ કર્યો
Meroo Gadhvi, Auranga Times
ઉમરગામ નગરપાલિકામાં કોંગ્રેસ પક્ષના 5 નગરસેવકોએ ભાજપનો ખેસ ધારણ કરતા ઉમરગામ કોંગ્રેસમાં મોટું ગાબડું પડ્યું છે. ઉમરગામ નગરપાલિકા વિસ્તારમાં આયોજિત વિકાસના કાર્યક્રમમાં ઉપસ્થિત નાણાપ્રધાન કનુભાઈ દેસાઈ અને ઉમરગામ ધારાસભ્ય રમણલાલ પાટકરની હાજરીમાં 5 કોંગ્રેસી કોર્પોરેટર ભાજપમાં જોડાતા હતાં. જેઓને ભાજપનો ખેસ અને ટોપી પહેરાવી આવકાર આપ્યો હતો.
ઉમરગામ નગરપાલિકા વિસ્તારમાં 9મી માર્ચે નવા બસ સ્ટેશનના નિર્માણનું રાજ્યના નાણાપ્રધાન કનુભાઈ દેસાઈએ ખાતમુહરત કર્યું હતું. આ પ્રસંગે ઉમરગામ નગરપાલિકાના નગરસેવકો ઉપસ્થિત રહ્યા હતાં. ઉમરગામ નગરપાલિકામાં કુલ 7 વોર્ડ છે. જેમાં 28 નગરસેવકો પૈકી 22 નગરસેવકો ભાજપના છે. જ્યારે 6 નગરસેવકો કોંગ્રેસના હતાં. જેમાંથી 5 નગરસેવકોએ ભાજપનો ખેસ અને ટોપી પહેરી લેતા ઉમરગામ નગરપાલિકામાં હવે 1 કોંગ્રેસી નગરસેવક સામે 27 નગરસેવકો ભાજપના છે.
ઉમરગા...