વાપી નજીક પસાર થતી દમણગંગા નદીની ખાડીમાં ન્હાવા પડેલા 2 યુવકો ડૂબ્યા
વલસાડ જિલ્લાના વાપી પાલિકા વિસ્તારના હરિયા પાર્ક પાછળથી પસારથી થતી દમણગંગા નદીની ખાડીમાં ન્હાવા પડેલા 2 યુવકોના ડૂબી જવાથી મોત નિપજ્યા છે. ઘટના અંગે ફાયર વિભાગને જાણકારી આપતા ફાયર વિભાગના તરવૈયાઓએ યુવકોના મૃતદેહની શોધખોળ હાથ ધરી છે. એક સાથે 2 યુવકો ડૂબી જતાં બંનેના પરિવારમાં શોક પ્રસર્યો છે.
ઘટના અંગે મળતી માહિતી મુજબ વાપી પાલિકાના ડુંગરા વિસ્તારમાં રહેતા અને સાફસફાઈનું કામ કરતા અજિત અને બબ્બુ નામના 2 યુવકો રવિવારે વાપી હરિયાપાર્ક પાછળ આવેલ દમણગંગા નદીની ખાંડીમાં ન્હાવા પડ્યા હતાં. જ્યાં બને યુવકો ઊંડા પાણીમાં ગરકાવ થઈ જતા ચકચાર મચી ગઇ હતી.
ઘટનાની જાણ ફાયરની ટીમને અને ડુંગરા પોલીસ ને થતા ફાયર વિભાગની ટીમ તરવૈયાઓ સાથે ઘટના સ્થળે પહોંચી હતી. જ્યાં ફાયરના તરવૈયાઓએ નદીના પાણીમાં ઉતરી બન્નેના મૃતદેહની શોધખોળ હાથ ધરી છે. ખાડીમાં 2 યુવકો ડૂબ્યાની વાત આસપાસના વિસ્તારમાં ફેલા...