વાપીમાં પ્રોપર્ટી ટેક્ષ નહિ ભરતા બે દુકાનો તથા ડુંગરાના એક ગોડાઉનને સીલ કરી દેવામાં આવ્યું
વાપી નગરપાલિકા દ્વારા વેરા વસૂલાતનું લક્ષ્યાંક સિધ્ધ કરવા સઘન કાર્યવાહી કરવામાં આવી રહી છે. વાપી વિસ્તારમાં ઘણા લાંબા સમયથી પ્રોપર્ટી ટેક્ષ નહિ ભરતા મિલકતધારકો સામે ઘરવેરા વિભાગ દ્વારા કાર્યવાહી કરવામાં આવી હતી. જે અંતર્ગત વાપીના બે બિલ્ડીંગની બે દુકાનો તથા ડુંગરાના એક ગોડાઉનને સીલ મારી દેવામાં આવ્યું હતું.
વાપી નગરપાલિકા વિસ્તારના બાકીદારોને વેરો ભરવા હાલમાં નોટીસો આપવામાં આવી રહેલ છે. જે અંતર્ગત વાપીમાં કોપરલી રોડ ઉપર સાઈ મેજેસ્ટી કોમ્પલેક્સના ઓફિસધારક તથા વલસાડ રોડ ઉપર આવેલ રાજ એવન્યુ બિલ્ડિંગના દુકાનધારક તથા ડુંગરા એકતાનગરમાં ગોડાઉન માલિકને નોટિસો પાઠવવામાં આવી હતી. બાકીદારોને ગુજરાત નગરપાલિકા અધિનિયમ 1963 ની કલમ 132 ની પેટા કલમ (3) હેઠળ 15 દિવસમાં બાકી લેણી રકમ ભરવા નોટીસ આપવામાં આવેલ હતી.
બાકીદારોએ નોટીસની અવગણના કરી બાકી વેરાની રકમ ભરપાઈ ના કરતાં ન...