દિવાળી તહેવાર દરમ્યાન ભડકમોરા-સુલપડમાં જુગાર રમતા 9 જુગારીયાઓની ટાઉન પોલીસે ધરપકડ કરી
વાપીના ભડકમોરા સુલપડ વિસ્તારમાં નિરુભાઈની ચાલમાં રહેતા 9 જેટલા જુગારીયાઓની જુગારધારા કલમ હેઠળ ધરપકડ કરવામાં આવી હતી. પકડાયેલ જુગારીયાઓ પાસેથી 21,640 રૂપિયાનો મુદ્દામાલ જપ્ત કરી ટાઉન પોલીસે જુગારધારા કલમ 12(A) મુજબ કાર્યવાહી કરી હતી.
વાપી ટાઉન પોલીસ મથકમાંથી મળતી વિગતો મુજબ 24મી ઓક્ટોબરે ટાઉન પોલીસ મથકના પોલીસ કોન્સ્ટેબલ રોહિત રાજુ અને અન્ય પોલીસ કર્મચારીઓ પોલીસ વાહન સાથે પેટ્રોલિંગમાં હતા. ત્યારે બાતમી મળી હતી કે, વાપી ભડકમોરા સુલપડ વિસ્તારમાં કેટલાક ઈસમો હારજીતનો જુગાર રમી રહ્યા છે.
આ બાતમી આધારે પોલીસે ભડકમોરા સુલપડ વિસ્તારમાં મહાદેવના મંદિર નજીક નિરુભાઈ ની ચાલ સામે રેઇડ કરી હતી. જ્યાં 9 જેટલા ઈસમો ગોળ કુંડાળું કરી જુગાર રમી રહ્યા હતાં. પોલીસે તાત્કાલિક જુગાર રમી રહેલા રાજનકુમાર પ્રમોદસિંહ, ઓમપ્રકાશ દશરથ પાઠક, રણજીત સિંગ માનંદપ્રતાપ સિંગ, કનૈયાકુમાર શુશીલ સિંગ, અમિતસિંહ ર...