સોળસુંબાની માહ્યાવંશી આંગણવાડી કેન્દ્રનાં બાળકોનું જીવન જોખમમાં..! કંપનીની ટ્રક નીચે કચડાઈ જવાનો અને જીવજંતુ કરડવાનો ડર
ઉમરગામ તાલુકામાં આવેલી સોળસુંબાની માહ્યાવંશી આંગણવાડી કેન્દ્રનાં બાળકોનું ભાવી જ નહીં પણ જીવન જોખમમાં હોવાનો ડર વાલીઓને સતાવી રહ્યો છે. કેમ કે, આંગણવાડીના પ્રાંગણમાંથી કંપનીની ટ્રક અવરજવર કરે છે. આંગણવાડીની ઇમારતમાં બાથરૂમ સાહિતના બારી દરવાજા ખખડધજ હાલતમાં છે. કમ્પાઉન્ડ વૉલ નો અભાવ છે. એટલે, વાલીઓને ડર છે કે, ક્યાંક તેમનું બાળક કંપનીની ટ્રક નીચે કચડાઈ જશે તો અથવા જીવજંતુ કરડી જશે તો......?
આ આંગણવાડીની નજીક ઈન્ટરનેશનલ ટ્રેડર્સ (પહેલાં ભારત પ્લાસ્ટિક તરીકે જાણીતી) કંપની આવેલી છે. તથા આ કંપનીનો રસ્તો, સદર આંગણવાડીનાં પ્રાંગણને લાગુથી પસાર થાય છે. કંપનીનો રસ્તો અને આંગણવાડીની ખુલ્લી જમીન વચ્ચે કમ્પાઉન્ડ વોલ ન હોવાથી, કંપનીમાં આવનજાવન કરતી મસમોટી ભારેખમ ટ્રકો આંગણવાડીનાં પ્રાંગણ તેમજ ખુલ્લી જમીન પર અડીંગો જમાવી બેઠા છે.
સુત્રો પાસેથી એવી પણ જાણકારી મળી હતી કે, આંગણવાડીની જમીન પર પા...