લક્ષ્મી વિદ્યાપીઠ ખાતે TEDx ‘Synergy- Together We Can Do Much’ કાર્યક્રમમાં નિષ્ણાંતોએ સાયબર ક્રાઈમ, ડિજિટલ માર્કેટિંગ પર આપ્યું વક્તવ્ય
વલસાડ જિલ્લાના ઉમરગામ તાલુકામાં સરીગામ ખાતે કાર્યરત શ્રીમતી શાંતાબેન હરિભાઈ ગજેરા ચેરીટેબલ ટ્રસ્ટ સંચાલિત લક્ષ્મી વિદ્યાપીઠ ખાતે TEDx 'Synergy- Together We Can Do Much' કાર્યક્રમ આયોજિત કરવામાં આવ્યો હતો. જેમાં દેશના જાણીતા વક્તાઓ દ્વારા સાયબર ક્રાઈમ, ડિજિટલ માર્કેટિંગ, સમાજ ઉપયોગી દરેક નાગરિકની ફરજ સહિતના વિષયો પર ઉપસ્થિત વિદ્યાર્થીઓ, શિક્ષકો, ગણમાન્ય અતિથિઓને ઉપયોગી માર્ગદર્શન પૂરું પાડવામાં આવ્યું હતું.
ગજેરા ચેરીટેબલ ટ્રસ્ટ સુરત સંચાલિત લક્ષ્મી વિદ્યાપીઠ શૈક્ષણિક સંકુલના ધ્વનિ ઓડિટોરિયમ ખાતેના આ એક દિવસીય કાર્યક્રમમાં ખાસ ઉપસ્થિત રહેલા લક્ષ્મી ડાયમંડના સહ-સ્થાપક અને ઉદ્યોગપતિ તેમજ ગજેરા ચેરીટેબલ ટ્રસ્ટ સુરતના મેનેજીંગ ટ્રસ્ટી ચુનીભાઈ ગજેરાએ જણાવ્યું હતું કે, તેમની સંસ્થા દ્વારા આ ત્રીજો જાગૃતિ કાર્યક્રમ છે. આવનારી પેઢીમાં સાઇબર ક્રાઇમ બાબતે તેમજ ડિજિટલ માર્કેટિંગ અને સમાજ ઉપયોગી...