રૂરલ પોલીસની સફળ રેઇડ, નંદાવલામાં 6,09,660 રૂપિયાના દેશી ભઠ્ઠી/ઇંગ્લીશ દારૂના જથ્થા સાથે 4 બુટલેગરોની ધરપકડ
દિવાળી તહેવાર દરમ્યાન કોઈ અનિચ્છનીય ઘટના ના બને તે માટે વલસાડ જિલ્લા પોલીસવડાની સૂચના આધારે પેટ્રોલીંગમાં રહેલી વલસાડ રૂરલ પોલીસની ટીમે PI એસ. એસ. પવારની રાહબરી હેઠળ નંદાવલા, મોટા ફળીયામાં ગીતાબેન અંબુભાઇ નાયકાના ઘરે છાપો માર્યો હતો. જેમાં 50,800 રૂપિયાની કિંમતનો ઇગ્લીશ દારૂ, 5.50 લાખના વાહનો, 5500ના 2 મોબાઇલ, દેશી દારૂ ગાળવાના સાધનો, પતરાના કાપેલા બે ડ્રમ, 45 લિટર દેશી દારૂ, ગોળ પાણીનું 730 લિટર રસાયણ મળી કુલ 6,09,660 રૂપિયાનો મુદ્દામાલ જપ્ત કર્યો હતો. તેમજ મહિલા બુટલેગર સહિત 4 લોકોની ધરપકડ કરી હતી.
પોલીસે આ રેઇડમાં બુટલેગર ગીતાબેન અંબુભાઇ બુધાભાઇ નાયકા, સુનિલ અંબુભાઇ નાયકા, બિપીન સુરેશભાઇ નાયકા, નવિન શૈલેષભાઇ નાયકાની ધરપકડ કરી તેમની પાસેથી 50,800 રૂપિયાની કિંમતની ઇગ્લીશ દારૂની નાની મોટી 509 બાટલીઓ, 5.50 લાખના ઇકો કાર નં. GJ15-CK-7934 તથા એકસેસ મોપેડ GJ15-DC-3761 નંબરના 2 વાહનો...