વાપીમાં શ્યામજી કૃષ્ણ વર્મા ચોક નામાભીધાન સાથે પંડિત શ્યામજી કૃષ્ણ વર્માની પ્રતિમાનું કરાયું અનાવરણ
વાપીમાં કોપરલી રોડ પર પેપીલોન ચાર રસ્તા હવે શ્યામજી કૃષ્ણ વર્મા ચોક તરીકે ઓળખાશે. અહીં શ્રી ભાનુશાલી મિત્ર મંડળ ટ્રસ્ટ અને વાપી નગરપાલિકાના સહિયારા પ્રયાસોમાં પંડિત શ્યામજી કૃષ્ણ વર્માની પ્રતિમા મુકવામાં આવી છે. ‘ભાનુશાલી ક્રાંતિવીર” પંડિત શ્યામજી કૃષ્ણવર્મા ની પ્રતિમાનું અનાવરણ રાજ્યના નાણાપ્રધાન કનુભાઈ દેસાઈના હસ્તે કરવામાં આવ્યું હતું. આ પ્રસંગે મોટી સંખ્યામાં ભાનુશાળી સમાજ સહિત અન્ય સમાજના લોકો ઉપસ્થિત રહ્યા હતાં.
રવિવારના શુભદિને રાજ્યના નાણાપ્રધાન કનુભાઈ દેસાઈના હસ્તે ક્રાંતિવિર પંડિત શ્યામજી કૃષ્ણ વર્માની ભવ્ય પ્રતિમાનું અનાવરણ કરવામાં આવ્યું હતું. તેમજ જ્યાં આ પ્રતિમા સ્થાપિત કરવામાં આવી છે. તે પેપીલોન ચોકડી ને આજથી શ્યામજી કૃષ્ણ વર્મા ચોક નામ આપવામાં આવ્યું હતું.
“ભાનુશાલી ક્રાંતિવીર’' પંડિત શ્યામજી કૃષ્ણવર્મા (નાખુઆ)નો જન્મ 04/10/1857ના માંડવી (કચ્છ) ખાતે થયો હતો. જ...