રાજયના મુખ્યમંત્રી ભૂપેન્દ્રભાઇ પટેલે વાપીના ડુંગરામાં સિટી સિવિક સેન્ટરનું ઇ – લોકાર્પણ કર્યુ, નાણાંમંત્રી કનુભાઈ દેસાઈની વિશેષ ઉપસ્થિતિ
રાજયના મુખ્યમંત્રી ભૂપેન્દ્રભાઇ પટેલે ગુજરાત સરકારના શહેરી વિકાસ અને શહેરી ગૃહ નિર્માણ વિભાગ અને ગુજરાત અર્બન ડેવલોપમેન્ટ મિશન અંતર્ગત વાપી નગરપાલિકાના ડુંગરા ઝોન કચેરી ખાતે સિટી સિવિક સેન્ટરનું તા. 10 મી જૂનના ઇ- લોકાર્પણ કરી વાપીના નગરજનોને ભેટ ધરી હતી. આ પ્રસંગે નાણાં, ઊર્જા અને પેટ્રોકેમિકલ્સ મંત્રી કનુભાઈ દેસાઈ વિશેષ ઉપસ્થિત રહયા હતા.
આ અવસરે ઉમરગામના ધારાસભ્ય રમણલાલ પાટકર, વાપી નગરપાલિકાના પ્રમુખ શ્રીમતી કાશ્મીરા શાહ અને ઉપપ્રમુખ અભયભાઇ શાહ ઉપસ્થિત રહયા હતા.
આ પ્રસંગે વિશેષ ઉપસ્થિત રહેલા રાજયના નાણાં, ઉર્જા અને પ્રેટ્રોકેમીકલ્સ મંત્રીશ્રી કનુભાઇ દેસાઇએ જણાવ્યું હતું કે, રાજયના મુખ્યમંત્રી ભૂપેન્દભાઇ પટેલની સરકારમાં રાજયના શહેરોનો સમતોલ વિકાસ થઇ રહયો છે. મુખ્યમંત્રી રાજયના નગરો અને મહાનગરોનો સમુચિત વિકાસ કરી રહયા છે જે અંતર્ગત રાજયની નગરપાલિકાઓમાં જન સુવિધા કેન્દ્રના ઉપયોગ અર...