ઉમરગામમાં બાઇક પર આવેલા સ્નેચરોએ મહિલાના ગળામાંથી ચેન ખેંચી ફરાર…!
વલસાડ જિલ્લાના ઉમરગામના મહિલાના ગળામાંથી સોનાની ચેઇન ખેંચીને એક બાઈક સવાર ફરાર થઈ ગયો હતો. રાત્રે બે મહિલાઓ રસ્તા પરથી પસાર થઈ રહી હતી એ વખતે સુમસામ રસ્તા પર પસાર થઈ રહેલી આ મહિલાઓને જોઈ એક બાઈક સવાર ચેઇન સ્નેચરે તેમનો પીછો કર્યો હતો. ને ત્યારબાદ રસ્તા પર રેકી કરી હતી અને મોકો મળતા જ રસ્તા પરથી પસાર થઇ રહેલી એક મહિલાના ગળામાંથી સોનાની ચેઇન ખેંચીને બાઈક સવાર ફરાર થઈ ગયો હતો.
જો કે ચેઈન ખેંચતા જ ભોગ બનેલ મહિલાએ બાઈક સવારનો પીછો કર્યો હતો. પરંતુ બાઇક સવાર ઘટનાસ્થળથી ફરાર થઈ ગયો હતો. આ સમગ્ર ઘટના નજીક લગાવેલા એક સીસીટીવી કેમેરામાં કેદ થઈ ગઈ હતી. આથી સીસીટીવી ફૂટેજ ના આધારે ઉમરગામ પોલીસે આ ચેઈન સ્નેચર ને ઝડપવા તપાસ હાથ ધરી હતી.
...