ગણેશ મહોત્સવ સાથે વલસાડ જિલ્લા પોલીસનો જન જાગૃતિ મહોત્સવ…… ગણેશ પંડાલમાં જ શોર્ટ વિડિઓના માધ્યમથી અપાઈ રહી છે ડ્રગ્સ, સાયબર ક્રાઈમ અને ટ્રાફિકની જાણકારી
વલસાડ જિલ્લામાં હાલ ગણેશ મહોત્સવ ચાલી રહ્યો છે. આ ગણેશ મહોત્સવ દરમિયાન લોકોમાં સાઇબર ક્રાઇમ, ડ્રગ્સ અને ટ્રાફિક અંગે જનજાગૃતિ આવે તેવા ઉદ્દેશ્યથી વલસાડ જિલ્લા પોલીસ દ્વારા ગણેશ પંડાલમાં મહત્વની જાણકારી પુરી પાડવાનું અભિયાન હાથ ધર્યું છે. વલસાડ જિલ્લા પોલીસનું આ અભિયાન આ વર્ષના ગણેશ ઉત્સવ સાથે જનજાગૃતિ ઉત્સવ બન્યું છે.
સમાજમાં પ્રવતત્તા ડ્રગ્સના દુષણથી દરેક પરિવાર સચેત રહે, સાયબર ક્રાઇમના ગુન્હાથી બચી શકે. નાણાં ના અને અન્ય ફ્રોડથી સાવચેત બને, ટ્રાફિકના નિયમોનું દરેક વાહનચાલક પાલન કરે તેવા ત્રિવિધ ઉદેશ્ય સાથેનું અભિયાન વલસાડ જિલ્લા પોલીસે હાથ ધર્યું છે. આ અભિયાન ગણેશ ઉત્સવ સાથે મહા જનજાગૃતિ ઉત્સવમાં પરિણમે તે માટે વલસાડ જિલ્લા પોલીસ દ્વારા જિલ્લામાં સ્થાપિત ગણેશ મંડળો માં જઈ વીડિયોના માધ્યમથી તેનો પ્રચાર પ્રસાર કરાઈ રહ્યો છે. સાયબર ક્રાઈમ, ડ્રગ્સના દૂષણથી દૂર રહેવા લોકોને અપીલ કરાઈ રહી...