વાપીમાં સરાજાહેર કુહાડીના ઘા ઝીંકી યુવકની હત્યા કર્યા બાદ 4 મહિનાથી ફરાર હત્યારાની પોલીસે ધરપકડ કરી
વાપીમાં 4 ડિસેમ્બર 2021ના શનિવારે રહેમાન અલી ઉર્ફે સલમાન અજમલ શેખ નામના યુવક પર તેમના જ બનેવી અને પુત્રએ કૌટુંબિક ઝઘડામાં હુમલો કર્યો હતો. જેમાં હુમલો કરનાર મહમદ સઈદ નામના ઇસમેં રહેમાન અલી પર કુહાડીના ગંભીર ઘા કર્યા હોય યુવકનું સારવાર દરમ્યાન મોત નીપજ્યું હતું. જ્યારે આ ઘટનામાં વાપી પોલીસે CCTV ફુટેઝ આધારે હત્યારાની ઓળખ કરી મહમદ અનવર મહમદ ઇબ્રાહિમ શેખની ધરપકડ કરી હતી. જે બાદ મુખ્ય હત્યારો ઇફતીખાર મહંમદ અનવર શેખ નાસતો ફરતો હતો. જેને પણ ઝડપી પાડી મહત્વની સફળતા મેળવી છે.
વાપી ચાર રસ્તા પાસે આવેલ બોસ્ટન ટી સ્ટોલ પર 4 ડિસેમ્બર 2021ના શનિવારે સાંજે ચા પીવા આવેલ લાકડાના વેપારી રહેમાન અલી ઉર્ફે સલમાન અજમલ શેખ પર તેમના જ કૌટુંબિક ભાઈ મહમદ સઈદ ઉર્ફે ઇફતીખાર મહમદ અનવર શેખ અને તેનો ભાઈ તેમજ પિતા મહમદ અનવર મહમદ ઇબ્રાહિમ શેખે કૌટુંબિક અદાવતમાં કુહાડી વડે હુમલો કર્યો હતો. રહેમાન અલી પર મહમદ સઈ...