ઉમરગામ બેઠક પર ભાજપ-કોંગ્રેસનો ચૂંટણી જંગ રમણલાલ પાટકર વર્સીસ રાકેશ રાય ની તરફ ફંટાઈ જતા આપ-કોંગ્રેસના ઉમેદવારો નામ માત્રના મુરતિયા?
ગુજરાતની 182 વિધાનસભા પૈકી સૌથી છેલ્લી વિધાનસભા એટલે 182- ઉમરગામ (અ.જ.જા.) બેઠક છે. ચૂંટણી 2022માં આ બેઠક પર કુલ 6 ઉમેદવારો મેદાનમાં છે. આ બેઠક પર એક પણ અપક્ષ ઉમેદવાર નથી. તમામ 6 ઉમેદવારો પક્ષના સિમ્બોલ પર ચૂંટણી લડી રહ્યા છે. તમામ ઉમેદવારો મતદારોનું ગણિત ગણી તેઓને રીઝવવા માટે ઝંઝાવતી ચૂંટણી પ્રચાર કરી રહ્યા છે. આ બેઠક પર મુખ્યત્વે ભાજપના રમણલાલ પાટકર જ સતત 3 ટર્મ (2007, 2012, 2017)અને એ પહેલાં 2 ટર્મ (1995,1997) એમ 5 વખત ધારાસભ્ય તરીકે ચૂંટાતા આવ્યા છે. (વર્ષ 2002માં આ બેઠક પર કોંગ્રેસના શંકર વારલીએ જીત મેળવી પાટકરને હાર આપી હતી.) આ છઠ્ઠી વખતની જીત મેળવવાના મદમાં રમણ પાટકરે કોંગ્રેસના નેતા રાકેશ રાય સાથે પંગો લઈ લેતા હવે આ બેઠક ભાજપ-કોંગ્રેસના ચૂંટણી જંગને બદલે રમણલાલ પાટકર વર્સીસ રાકેશ રાય ની પ્રતિષ્ઠા ના જંગ માં ફેરવાઈ ગઈ છે. એટલે આપ-કોંગ્રેસના ઉમેદવારો નામ માત્રના મુરતિયા બની ચૂંટણી લ...