મેરા બિલ મેરા અધિકાર યોજના, 1લી સપ્ટેમ્બર 2023ના નાણાપ્રધાન કનું દેસાઇ વાપીથી જનતા માટે ખુલ્લી મુકશે, 1 કરોડ જીતવાની તક….!
દેશના કર માળખાને સદ્રુઢ કરવા તથા નાગરીકો દ્વારા કરવામાં આવતી માલ/સેવાની ખરીદી માટે તેઓને બિલ મેળવવા પ્રોત્સાહિત કરવા સારુ “મેરા બિલ મેરા અધિકાર” નામની યોજના રાજ્ય તથા કેન્દ્ર સરકારના સંયુક્ત ઉપક્રમે 1લી સપ્ટેમ્બર 2023થી લઇને 1 વર્ષ માટે લાગુ કરવામાાં આવી રહી છે.
આ યોજના ગુજરાત, આસામ, હરિયાણા રાજ્યો અને પોંડીચેરી, દીવ-દમણ તથા દાદરા અને નગર હવેલીના સંઘ રાજ્યોના ક્ષેત્રમાં લાગુ કરવામાાં આવશે. ગુજરાત ખાતે આ યોજનાનો પ્રારાંભ રાજ્યના નાણાં, ઉર્જા અને પેટ્રોકેમીકલ્સ પ્રધાન કનું દેસાઇ, તા. 01/09/2023ના રોજ સવારે 11:00 કલાકે વાપી ખાતેથી કરશે.
વાપીમાં વિશાલ માર્ટ, ફોર્ચ્યુન મેગા મૉલ ખાતે સ્ટેટ ટેક્સ ડિપાર્ટમેન્ટ ગુજરાત સરકાર આયોજિત આ યોજના ગુજરાત સહિત 3 રાજ્ય અને 2 સંઘપ્રદેશમાં લાગુ કરવામાં આવી હોય યોજના હેઠળ તમામ માટે માસિક, ત્રિમાસિક બીલના ડ્રો કરી 10 હજારથી 1 કરોડ સુધીના પુરસ્કાર એન...