Free Foodના ફંડ માટે વાપીમાં યોજાયો લોકડાયરો, દાતાઓએ ગીતા રબારી અને તેજદાન ગઢવી પર કર્યો રૂપિયાનો વરસાદ
વાપીમાં ગરીબ લોકોને મફતમાં ભોજન આપી પેટની ભૂખ ભાંગતા માં જનમ ચેરીટેબલ ટ્રસ્ટ અને સેલ્યુટ તિરંગાના સંયુક્ત ઉપક્રમે શનિવારે લોકડાયરાનું આયોજન કરવામાં આવ્યું હતું. આ લોક ડાયરામાં દાતાઓએ ગીતા રબારી અને તેજદાન ગઢવી પર રૂપિયાનો વરસાદ કરી ટ્રસ્ટના Free Food કેમ્પેઇન ને ઝબરો પ્રતિસાદ આપ્યો હતો. આ લોકડાયરામાં ગુજરાતના જાણીતા ગાયક કલાકાર ગીતા રબારી અને તેજદાન ગઢવીએ લોકગીતો-ભજનની રમઝટ બોલાવી હતી. તો હાસ્ય કલાકાર સુખદેવ ધામેલીયાએ લોકોને પેટ પકડીને હસાવ્યા હતાં.
કોરોના કાળ દરમ્યાન ગરીબ લોકોને મફતમાં ભોજન મળી રહે તે માટે માં જનમ ચેરીટેબલ ટ્રસ્ટ દ્વારા Free Food કેન્ટીનની શરૂઆત કરવામાં આવી છે. આ સેવાનું કાર્ય અવિરત ચાલતું રહે, શહીદોના પરિવારને મદદરૂપ થતા રહે તે માટે દાતાઓ તરફથી દાન પેટે રકમ મળે તેવા ઉદેશથી માં જનમ ચેરીટેબલ ટ્રસ્ટ અને સેલ્યુટ તિરંગા ના સંયુક્ત ઉપક્રમે વાપી નજીક ...