વેપારીઓને વેપાર મળે, ગ્રાહકોને એક જ સ્થળે ચીજવસ્તુઓ ખરીદવાની તક મળે તે માટે JCI વાપી દ્વારા પ્રગતિ ટ્રેડફેરનું આયોજન કરાયું
વાપીમાં 20 વર્ષથી સેવાકીય પ્રવૃત્તિ સાથે સંકળાયેલ JCI વાપી દ્વારા નેશનલ હાઇવે નંબર 48ને અડીને આવેલ છરવાડા ચોકડી ખાતે 110 થી વધુ સ્ટોલ સાથેના પ્રગતિ 2022 ટ્રેડ ફેરનું આયોજન કરવામાં આવ્યું છે. 4 દિવસના આ ટ્રેડફેરને શુક્રવારે JCI ના વર્તમાન પ્રમુખ, પૂર્વ પ્રમુખ અને સભ્યો દ્વારા ઉદ્ઘાટન કરી ખુલ્લો મુકવામાં આવ્યો છે.
કોરોના કાળ ના 2 વર્ષ બાદ હવે ધીરેધીરે જનજીવન ફરી ધબકતું થયું છે. જો કે આ 2 વર્ષમાં અનેક પ્રકારના નાના મોટા ઉદ્યોગો, વેપારધંધાને માઠી અસર પડી છે. ત્યારે વેપારીઓને વેપાર માટેનું પ્લેટફોર્મ ઉભું કરી ગ્રાહકોને એક સ્થળેથી તેમની જરૂરિયાત મુજબની ચીજવસ્તુઓ ખરીદવાની તક મળે તેવા ઉદેશયથી 2 વર્ષના લાંબા વિરામ બાદ JCI વાપી દ્વારા પ્રગતિ 2022 ટ્રેડ ફેરનું આયોજન કરવામાં આવ્યું છે.
જુનિયર ચેમ્બર ઓફ ઇન્ટરનેશનલ (JCI) છેલ્લા 20 વર્ષથી સમાજિકક્ષેત્રે કામ કરતી સંસ્થા છે. આ 21માં વ...