વાપીમાં રેલવે લાઇન પર ટ્રેન અડફેટે મોત ને ભેટેલા 2 યુવકોના મૃતદેહોને ઊંચકી ઇન્તેખાબ ખાનની ટીમે માનવતા મહેકાવી
વાપીમાં પશ્ચિમ રેલવે લાઇન પર બુધવારે 2 અલગ અલગ ટ્રેન અડફેટે 2 યુવકોના મોત થતા અરેરાટી ફેલાઈ હતી. અલગ અલગ સમયે અને અલગ અલગ સ્થળે ટ્રેન અડફેટે આવી મોતને ભેટેલા બન્ને ક્ષત વિક્ષત મૃતદેહોને વાપીમાં બિનવારસી લાશ ઉંચકતા ઇન્તેખાબ ખાનની ટીમે ઊંચકી એમ્બ્યુલન્સ મારફતે પ્રથમ વાપી રેલવે સ્ટેશને અને ત્યાર બાદ સરકારી હોસ્પિટલમાં પોસ્ટ મોર્ટમ માટે મોકલાવ્યા હતાં.
વરસતા વરસાદમાં બનેલ આ ઘટના દરમ્યાન રેલવે ટ્રેક પર ઘટના સ્થળ સુધી પહોંચવામાં ભારે મહેનત કરવી પડી હતી. ઇન્તેખાબ અને તેની ટીમે દોઢ કિલોમીટર સુધી ચાલીને જવું પડ્યું હતું. રેલવે ટ્રેક આસપાસ વરસાદી પાણી અને કિચ્ચડ હોય મૃતદેહને ઉંચકી ફરી દોઢ કિલોમીટર સુધી ચાલીને આવવું પડ્યું હતું. જે બાદ એમ્બ્યુલન્સ માં મૃતદેહને રવાના કરાવી માનવતાના દર્શન કરાવ્યા હતાં.
ઘટના અંગે મળતી વિગતો મુજબ બુધવારે વહેલી સવારે વાપી રેલવે સ્ટેશન નજીક ટ્રેક પર પસાર થતી ...