જખૌ નજીક સમુદ્રમાં ભારતીય કોસ્ટગાર્ડ અને ATS ગુજરાતનું સંયુક્ત ઓપરેશન: પાકિસ્તાની બોટમાંથી 280 કરોડનું નાર્કોટિક્સ જપ્ત
ઇન્ડિયન કોસ્ટગાર્ડ (ICG)ને મળેલી ચોક્કસ બાતમીના આધારે, એન્ટી ટેરરિસ્ટ સ્ક્વૉડ (ATS) ગુજરાત સાથે મળીને સંયુક્ત રીતે ભારત પાક ની આંતરરાષ્ટ્રીય સમુદ્રી સીમારેખા નજીક આવેલા જખૌના સમુદ્રમાં પેટ્રોલિંગ માટે વ્યૂહાત્મક રીતે જહાજ તૈનાત કરવામાં આવ્યા હતા. આ ઓપરેશનમાં, ICGના જહાજે પાકિસ્તાની બોટ ‘અલ હજ’માંથી 09 પાકિસ્તાની ક્રૂને અરબ સમુદ્રમાં ભારતીય સમુદ્રી સીમાની અંદર પકડી પાડ્યા હતા અને તેમની પાસેથી રૂપિયા 280 કરોડની કિંમતનો નાર્કોટિક્સ ડ્રગ્સનો 56 કિલો જથ્થો જપ્ત કર્યો હતો.
24/25 એપ્રિલ 2022ની રાત્રિ દરમિયાન, ભારતીય તટરક્ષક દળને ભારતીય સમુદ્રી સીમાની અંદર અંદાજે 05 નોટિકલ માઇલ (NM)ના અંતરે એક બોટની શંકાસ્પદ હિલચાલ જોવા મળી હતી. આ બોટની નજીક આવેલા ICGના જહાજે તેને તપાસ માટે રોકાવાનો નિર્દેશ આપ્યો હતો. જો કે, બોટને પડકરાવાથી તેમણે બોટમાં રહેલ...