ઓક્ટોબર 2023 માં GSTની આવક 1.72 લાખ કરોડ રૂપિયા, ગુજરાતમાં 11 ટકાનો વધારો, DNHDD માં 15 ટકાનો ઘટાડો
ઓક્ટોબર, 2023માં એકત્રિત કરવામાં આવેલી ગ્રોસ GST આવક ₹ 1,72,003 કરોડ રહી છે. જેમાંથી ₹ 30,062 કરોડ સીજીએસટી છે, ₹ 38,171 કરોડ એ SGST છે, ₹ 91,315 કરોડ (માલની આયાત પર એકઠા થયેલા ₹ 42,127 કરોડ સહિત) એ આઇજીએસટી છે અને ₹ 12,456 કરોડ (માલની આયાત પર એકઠા થયેલા ₹ 1,294 કરોડ સહિત) સેસ છે.
સરકારે આઇજીએસટીમાંથી સીજીએસટી ને ₹ 42,873 કરોડ અને એસજીએસટીને ₹ 36,614 કરોડની પતાવટ કરી છે. નિયમિત સેટલમેન્ટ બાદ ઓક્ટોબર, 2023માં કેન્દ્ર અને રાજ્યોની કુલ આવક CGST માટે ₹ 72,934 કરોડ અને એસજીએસટી માટે ₹ 74,785 કરોડ છે.
ઓક્ટોબર, 2023 ના મહિનાની ગ્રોસ જીએસટી આવક ગયા વર્ષના સમાન મહિનાની તુલનામાં 13% વધુ છે. મહિના દરમિયાન, સ્થાનિક વ્યવહારો (સેવાઓની આયાત સહિત)ની આવક પણ ગયા વર્ષના સમાન મહિના દરમિયાન આ સ્ત્રોતોમાંથી થતી આવક કરતા 13 % વધારે છે. નાણાકીય વર્ષ 2023-24માં સરેરાશ ગ્રોસ માસિક જીએસટી કલેક્શન હવે 1...