Tag: Fire breaks out in Khariwad apartment in Daman 18 bikes and household items burnt 35 rescued

દમણના ખારીવાડ વિસ્તારમાં આવેલ દાર ઉસ સલામ એપાર્ટમેન્ટમાં મંગળવારે મળસ્કે 4 વાગ્યા આસપાસ ભોંયતળિયે અચાનક આગ ભભૂકી ઉઠતા અફરાતફરી મચી હતી. પાર્કિંગ એરિયામાં આગની જ્વાળાએ 18 જેટલી બાઇકને તેમની ચપેટમાં લીધી હતી. તો, આગના ધુમાડાના ગોટેગોટા ઉઠતા ગૂંગળામણ અનુભવતા એપાર્ટમેન્ટના 35 જેટલા લોકોએ અગાસી પર જઈ આશરો લીધો હતો. જે તમામ ને દમણ ફાયરે રેસ્ક્યુ કર્યા હતાં.  ઘટના અંગે દમણ ફાયર વિભાગે આપેલી વિગતો મુજબ મંગળવારે વહેલી સવારે 4 વાગ્યા આસપાસ કોલ આવ્યો હતો કે દમણના ખારીવાડ વિસ્તારમાં આવેલ દાર ઉસ સલામ એપાર્ટમેન્ટમાં ભીષણ આગ લાગી છે. જેની જાણકારી મળ્યા બાદ ફાયરની 3 ગાડીઓ રવાના કરાઈ હતી. આગ જે ઇમારતમાં લાગી હતી તે 8 માળની હતી. અને તેના પાર્કિંગ એરિયામાં આગ ભભૂકતી જોવા મળી હતી. ફાયરના જવાનોએ તાત્કાલિક આગ પર પાણીનો મારો ચલાવી આગને કાબુમાં લીધી હતી. જો કે આગને કારણે ધુમાડાના ગોટેગોટા ઉઠ...