વાપીની સરના અને સુમિટોમો ઇન્ડસ્ટ્રીઝને એવોર્ડ એનાયત કરનાર FGI એ 18માં FGI એવોર્ડ માટે VIAના સહયોગમાં પત્રકાર પરિષદનું આયોજન કર્યું
વડોદરા સ્થિત ફેડરેશન ઓફ ગુજરાત ઇન્ડસ્ટ્રીઝ (FGI) નામની સંસ્થા દ્વારા વિવિધ ક્ષેત્રમાં શ્રેષ્ઠતા માટે એનાયત કરવામાં આવતા 18માં ફેડરેશન ઓફ ગુજરાત ઇન્ડસ્ટ્રીઝ એવોર્ડની જાણકારી આપવા વાપીમાં (VIA) વાપી ઇન્ડસ્ટ્રીઝ એસોસિએશનના સહયોગમાં પત્રકારો-ઉદ્યોગકારો સાથે સંવાદ કાર્યક્રમનું આયોજન કરવામાં આવ્યું હતું.
VIA ખાતે કોન્ફરન્સ હોલમાં આયોજિત આ કાર્યક્રમમાં વી.આઈ.એ. ના પ્રમુખ સતીશ પટેલ, માનદ મંત્રી, FGI ના સેક્રેટરી જનરલ પ્રેમલ દવે, પ્રોગ્રામ ઓફિસર પ્રીતિ સોનીએ વાપીના ઉદ્યોગકારો તથા પત્રકારો સમક્ષ પ્રેઝન્ટેશન રજૂ કરી દર 2 વર્ષે આપતા કુલ 14 કેટેગરીના એવોર્ડ અંગે વિગતવાર માહિતી આપી હતી.
વી.આઈ.એ. ના પ્રમુખ સતીશ પટેલે ઉપસ્થિત મહાનુભાવોનું સ્વાગત કરી જણાવ્યું હતું કે VIA અને FGI નો મુખ્ય ઉદ્દેશ ઉદ્યોગો અને ઉદ્યોગકાર મિત્રો, રિસર્ચ ક્ષેત્રે, શૈક્ષણિક ક્ષેત્રે, આરોગ્ય ક્ષેત્...