દમણ દિવની બેઠક પર બે વખત હારેલા કોંગ્રેસના ઉમેદવાર કેતન પટેલે ત્રીજી વખત ભર્યું ઉમેદવારી ફોર્મ, કહ્યું હવે સમય બદલાયો છે જૂન બતાવશે…!
દમણ દીવ લોકસભા બેઠક પર કોંગ્રેસના ઉમેદવાર કેતનભાઇ પટેલે 19મી એપ્રિલે પોતાનું ઉમેદવારી પત્ર ભર્યું હતું. ઉમેદવારી ફોર્મ ભરી કેતન પટેલે મીડિયા સાથે વાત કરી હતી. જેમાં વર્ષ 2019 માં યોજાયેલ ચૂંટણીમાં ત્રિપાંખીયો જંગ હતો અને આ વર્ષે 2024 માં યોજાનારી ચૂંટણીમાં પણ એ જ ઉમેદવારો વચ્ચે ત્રિપાંખીયો જંગ છે. 2019 માં તેઓ હાર્યા હતા. એ પહેલાં 2014માં પણ હારનો સામનો કરી ચુક્યા હતાં. ત્યારે, આ વખતે તેઓ જીતશે કે કેમ તેવા સવાલના જવાબમાં તેમણે જણાવ્યું હતું કે દમણ દિવની જનતા બુદ્ધિ જીવી છે. એટલે તેઓએ શું કરવું છે તે એમને ખબર છે. ગયા વખતની સામે હવે સમય બદલાયો છે અને સમય સમયની વાત છે એટલે સમય બતાવશે જૂનનું પરિણામ
દમણ દીવ લોકસભા બેઠક પર ઉમેદવારી પત્ર ભરતા પહેલા કેતન પટેલે મોટી દમણ માર્કેટ વિસ્તારમાં એક સભા યોજી હતી. જેમાં કોંગ્રેસના અગ્રણીઓ અને તેમના સમર્થકો સાથે મોટી સંખ્યામાં લોકો ઉપસ્થિત રહ્યા હતા. ...