વાપીમાં હિન્દૂ પ્રીમિયર લીગ આયોજિત કબડ્ડી ટુર્નામેન્ટમાં 50 ટીમો વચ્ચે જામ્યો હુ..તુ..તુતું… નો રોમાંચક ખેલ
કબડ્ડી એ ભારતનો રાષ્ટ્રીય ખેલ મનાય છે. જેને વધુ પ્રોત્સાહન મળે, યુવાનોમાં આ ખેલ પ્રત્યે રુચિ વધે તેવા ઉદ્દેશ્યથી વાપીમાં હિન્દૂ પ્રીમિયર લીગ પુરુષ કબડ્ડી પ્રતિયોગીતાનું આયોજન કરવામાં આવ્યું હતું. વાપીની રોફેલ કોલેજ ખાતે આયોજિત આ કબડ્ડી ટુર્નામેન્ટમાં ભારતના વિવિધ રાજ્યમાંથી આવેલી 50 જેટલી ટીમોએ ભાગ લીધો હતો.
હિન્દૂ સમાજના યુવાનોને સંગઠિત કરવાના ઉદ્દેશ્યથી વાપીમાં હિન્દૂ પ્રીમિયર લીગ-2 પુરુષ કબડ્ડી ટુર્નામેન્ટનું આયોજન કરવામાં આવ્યું હતું. વાપીની રોફેલ કોલેજ ખાતે આયોજિત એક દિવસીય ટુર્નામેન્ટનું સ્વામિનારાયણના સંત કપિલ સ્વામી, નગરપાલિકાના ઉપપ્રમુખ અભય શાહ સહિત હિન્દૂ સંગઠન, સંસ્થાના આગેવાનો, વાપી ડિવિઝનના DYSP સહિતના મહાનુભાવોના હસ્તે દીપ પ્રાગટય કરી ઉદ્ઘાટન કરવામાં આવ્યું હતું.
આ કબડ્ડી ટુર્નામેન્ટ અંગે આયોજક અને VHP ના વાપીના સંયોજક નરેન્દ્ર પાયકે જણાવ્યું હતું કે, કબડ્ડી એ આ...