વલસાડ જિલ્લાની ઉંમરગામ તાલુકાના સરીગામની લક્ષ્મી આંતરરાષ્ટ્રીય શાળાના વિદ્યાર્થીએ કલામહાકુંભ 2021-22માં શાળાનું નામ રોશન કર્યું
દેશ અને રાજ્યના યુવાનોમાં ખાસ કરીને શાળામાં અભ્યાસ કરતા બાળકોમાં રહેલી પ્રતિભાને નવી દિશા મળે તેવા ઉદેશયથી સરકાર દ્વારા કલામહાકુંભનું આયોજન કરવામાં આવે છે. રાજ્યના અંતરિયાળ વિસ્તારના કલાવીરોની પ્રતિભાને નવી દિશા આપતા આ કલામહાકુંભ (ખેલ મહાકુંભ) 2021-22 માં શ્રીમતી શાંતાબેન હરિભાઈ ગજેરા ટ્રસ્ટ- સુરત સંચાલીત લક્ષ્મી આંતરરાષ્ટ્રીય શાળા- સરીગામમાં ધોરણ 10માં અભ્યાસ કરતા રિષી અશોકભાઈ પટેલે ઓરગન વાદન સ્પર્ધામાં બીજો નંબર મેળવી શાળાનું ગૌરવ વધાર્યું છે.
તાજેતરમાં રમત ગમત યુવા અને સાંસ્કૃતિક પ્રવૃતિઓ વિભાગ કમિશનર કચેરી ગાંધીનગર પ્રેરિત ખેલ મહાકુંભ 2021-22 નું જિલ્લા અને રાજ્ય સ્તરે આયોજનમાં કરવામાં આવ્યું હતું. જેમાં શ્રીમતી શાંતાબેન હરિભાઈ ગજેરા ટ્રસ્ટ- સુરત સંચાલીત લક્ષ્મી આંતરરાષ્ટ્રીય શાળા- સરીગામનાં ઘણાં વિદ્યાર્થીઓ એ ભાગ લઈ જિલ્લાકક્ષાએ સારો એવો દેખાવ કરી પ્રદેશકક્ષાએ પહોંચ્યા...