વાપીમાં લાખોમાં એક વાર જોવા મળતા સફેદ નાગનું રેસ્ક્યુ કરાયું, જાણો સફેદ કલર પાછળનું વૈજ્ઞાનિક કારણ
વાપીમાં સાપને પકડી સુરક્ષિત જંગલમાં છોડવાનું કામ કરતા ઇમર્જન્સી રેસ્ક્યુ ફોર્સની ટીમે વાપી નજીકના કરવડ ગામેથી એક સફેદ નાગનું રેસ્ક્યુ કર્યું છે. આ નાગનું ઝેર પણ અન્ય નાગના ઝેર જેટલું જ ઘાતક છે. જેને રેસ્ક્યુ કર્યા બાદ વનવિભાગની મદદથી સુરક્ષિત જંગલ વિસ્તારમાં મુક્ત કરવામાં આવ્યો હતો. વાપીમાં વર્ષો બાદ પ્રથમ વખત આવો સાપ મળી આવ્યો છે. નાગના સફેદ કલર અંગે વનવિભાગ ના અધિકારી અને રેસ્ક્યુ ટીમ ના ટ્રેનરે મહત્વપૂર્ણ જાણકારી આપી હતી.
જેમ માનવીમાં કેટલાક વિટામિનની ઉણપ હોય તો તે માનવી નું શરીર એકદમ સફેદ થઈ જાય છે. સામાન્ય રીતે તેના માટે પ્રચલિત શબ્દ કોઢ છે. જે શરીરમાં પીંગમેન્ટ્સ ની ઉણપને કારણે થાય છે. પરંતુ આપને જાણીને નવાઈ લાગશે કે, આ કોઢ પશુ પંખીઓને સરીસૃપોને પણ થાય છે. જેને અલબીનો ડીસીઝ કહેવાય છે. વાપીમાં વર્ષો બાદ આ અલબીનો રોગનો ભોગ બનેલ એક નાગનું સ્થાનિક ઇમર્જન્સી રેસ્ક્યુ ફોર્સ ચેરીટેબલ...