સેલવાસમાં સ્માર્ટ સીટી બસમાં કંડક્ટરની નોકરી કરતી યુવતીએ ચોરીના આરોપથી હતાશ થઈ આપઘાત કરી લેતા સાથી કર્મચારીઓ ઉતર્યા હડતાળ પર
કેન્દ્રશાસિત પ્રદેશ દાદરા નગર હવેલી અને દમણમાં કાર્યરત સ્માર્ટ સીટી બસની મહિલા કંડક્ટરે આપઘાત કરી લેતા સમગ્ર પંથકમાં ચકચાર મચી ગઇ છે. મૃતક યુવતી પર સ્માર્ટ સીટી બસના સંચાલકે ચોરીનો આરોપ મૂકી અપમાનિત કરી હતી. જેથી હતાશ થઈ યુવતીએ આપઘાત કરી લીધો હતો. આ ઘટનામાં સ્માર્ટ સીટી બસના કર્મચારીઓએ હડતાળ પાડી બસ સંચાલકો સામે આક્રોશનો સુર વ્યક્ત કર્યો છે.
કેન્દ્રશાસિત પ્રદેશ દાદરા નગર હવેલીના મોરખલના બરડપાડા ગામે રહેતી અને છેલ્લા 3 વર્ષથી સેલવાસ સ્માર્ટ સીટી બસમાં મહિલા કંડકટર તરીકે ફરજ બજાવતી સરસ્વતી ભોયા નામની યુવતીએ તેમના ઘરે ગળેફાંસો ખાઈ આપઘાત કરી લેતા સ્માર્ટ સીટી બસના સંચાલકો સામે યુવતીના પરિવારજનોએ ગંભીર આક્ષેપ કર્યા છે. યુવતીના અપમૃત્યુ બાદ સ્માર્ટ સીટી બસના અન્ય કર્મચારીઓએ પણ હડતાળ પાડી આક્રોશ વ્યક્ત કર્યો છે.
ઘટના અંગે મૃતક યુવતીના પિતાએ જણાવ્યું હતું કે, તેમની દીકરી પર ચોરીનો આર...