વાપીમાં વસતા કચ્છી ભાનુશાળી સમાજ દ્વારા ક્રિકેટ ટુર્નામેન્ટનું આયોજન કરાયું, નાણાપ્રધાને ઉપસ્થિત રહી શુભકામના પાઠવી
વાપીમાં આવેલ VIA ક્રિકેટ ગ્રાઉન્ડ ખાતે શ્રી કચ્છી ભાનુશાળી મિત્ર મંડળ દ્વારા પ્રેરિત 17મી ભાનુજ્યોત ક્રિકેટ ટુર્નામેન્ટનું આયોજન કરવામાં આવ્યું હતું. સંઘબલ એ સફળતાનો પાયો છે. એ સૂત્ર સાથે આયોજિત યારી કપ 2023માં નાણાપ્રધાન કનું દેસાઈ પણ ખાસ ઉપસ્થિત રહ્યા હતાં. જેઓએ આયોજકોને સુંદર આયોજન બદલ તો ખેલાડીઓને ઉત્કૃષ્ટ પ્રદર્શન બદલ અભિનંદન પાઠવી આગામી દિવસોમાં વલસાડમાં પણ શ્યામજી કૃષ્ણવર્મા ની પ્રતિમા સ્થાપિત કરવામાં આવશે તેવી જાહેરાત કરી હતી.
વાપીમાં વર્ષોથી સ્થાઇ થયેલા કચ્છના ભાનુશાળી સમાજ દ્વારા દર વર્ષે ક્રિકેટ ટુર્નામેન્ટનું આયોજન કરવામાં આવે છે. જે અંતર્ગત છેલ્લા 2 દિવસથી વાપીના VIA ક્રિકેટ ગ્રાઉન્ડ ખાતે ક્રિકેટ ટુર્નામેન્ટનું આયોજન કરવામાં આવ્યું છે. આ ટુર્નામેન્ટ અંગે શ્રી કચ્છી ભાનુશાળી મિત્ર મંડળના રમેશ ભાનુશાળીએ જણાવ્યું હતું કે, ભાનુશાલી સમાજના લોકો વેપારધંધા અર્થે વાપી સહિત મુંબઈ...