સ્વ. અનિલ દેવ અને પત્ની સ્વ. મોહિની દેવની પુણ્યતિથિએ વાપીની આયુષ હોસ્પિટલમાં ‘રકતદાન કેમ્પ – ઓનર્સ એવોર્ડ’ સમારોહ યોજાયો
વાપીના જાણીતા ઉદ્યોગપતિ સ્વ. અનિલ દેવ અને તેમના પત્ની સ્વ. મોહિની દેવની પુણ્યતિથિએ આયુષ હોસ્પિટલ દ્વારા પ્રથમ આયુષ ઓનર્સ એવોર્ડ્સ તથા ત્રીજા બ્લડ ડોનેશન કેમ્પનું આયોજન કરવામાં આવ્યું હતું. કાર્યક્રમમાં કનુભાઈ દેસાઈ, (કેબિનેટ મિનિસ્ટર એનર્જી અને પેટ્રોલ કેમિકલ્સ) તથા ગેસ્ટ ઓફ ઓનર તરીકે આર. આર. રાવલ ગુજરાત પવિત્ર યાત્રાધામ વિકાસ બોર્ડ) તથા એમ. એમ.પ્રભાકર (એક્સ ડિન એન્ડ સુપ્રિટેન્ડેન્ટ સિવિલ હોસ્પિટલ અમદાવાદ) તથા કપિલ સ્વામીજી ટ્રસ્ટી, સલવાવ સ્વામિનારાયણ એજ્યુકેશનલ ટ્રસ્ટ હાજર રહ્યા હતા.
આ પ્રસંગે પૂ. કપિલ સ્વામી દ્વારા આર્શિવચન ઉપરાંત પવિત્ર યાત્રાધામ બોર્ડના સેક્રેટરી અને જિલ્લાના પૂર્વ કલેકટર આર.આર. રાવલે સેવા, પરમાર્થ અને સંસ્કારની વાતોને લઈ મનનીય વકતવ્ય આપ્યું હતું જયારે કેબિનેટ મંત્રી કનુભાઈ દેસાઈ એ ડો. દેવ પરિવારની સેવા પ્રવૃત્તિના સંસ્મરણો તાજા કરતાં તેમની સેવા ભાવનાને બિરદાવી હતી....