વાપી નજીક બલિઠામાં સ્કૂલ બસે 2 ભાઈઓનો તો, કાર ચાલકે એક મહિલાનો લીધો ભોગ
વાપી નજીક બલિઠા ગામે બુધવારનો દિવસ ગોઝારો સાબિત થયો હતો. એક જ દિવસમાં સર્જાયેલ બસ અને કારના અલગ અલગ 2 અકસ્માતમાં કુલ 3 લોકોની જિંદગી છીનવાઈ ગઈ છે. અકસ્માતમાં 2 સગા ભાઈઓ અને એક મહિલાનું મોત થતા પંથકમાં અરેરાટી ફેલાઈ ગઈ છે.
ઘટના અંગે વાપી ટાઉન પોલીસ મથકમાંથી મળતી વિગતો મુજબ બુધવારે સવારે બલિઠા હાઇવે નંબર 48 પર ટોયોટા શૉ રૂમ નજીક સલવાવના 35 વર્ષીય પાર્વતીબેન પારસભાઈ નામની મહિલા હાઇવે ક્રોસ કરી રહી હતી ત્યારે અચાનક જ પુરપાટવેગે વેગે ધસી આવેલ કાર નંબર DD03-E-2187ના ચાલક અભિનવ પટેલે તેને અડફેટે લેતા ઘટના સ્થળે જ કમકમાટીભર્યું મોત નીપજ્યું હતું. કાર ચાલક મૂળ પારડીનો છે. અને વાપી તરફ આવતી વખતે આ અકસ્માત સર્જી દીધો હતો.
જ્યારે બપોર બાદ બલિઠાના દાંડીવાડ તરફ કબ્રસ્તાન રોડ પર સ્વામિનારાયણ ગુરુકુલની સ્કૂલ બસની અડફેટે આવી જતા બે સગા ભાઈઓનું કમકમાટીભર્યું મોત નીપજ્યું હતું. આ ઘટનામાં પોલીસે વ...