
વાપીમાં બિહાર વેલ્ફેર એસોસિએશન દ્વારા 111માં બિહાર દિવસની કરાઈ ઉજવણી
વલસાડ જિલ્લાના વાપીમાં વેપારધંધા અર્થે સ્થાઈ થયેલા બિહાર રાજ્યના લોકોએ પ્રથમ વખત વાપીમાં બિહાર દિવસની ઉજવણી કરી હતી. વાપીમાં કાર્યરત બિહાર વેલ્ફેર એસોસિએશન દ્વારા આયોજિત આ બિહાર દિવસ ની ઉજવણી નિમિતે સાંસ્કૃતિક કાર્યક્રમ, ભજન સંધ્યા અને મહાપ્રસાદ નું આયોજન કરવામાં આવ્યું હતું. કાર્યક્રમમાં સ્વામિનારાયણ સંસ્થાના સંતો, વાપી GIDC માં કાર્યરત ઉદ્યોગોના ઉદ્યોગપતિઓ, VIA ના પ્રમુખ ખાસ ઉપસ્થિત રહ્યા હતાં.
વાપી નજીક છીરી ગામમા આવેલ કે. પી. વિદ્યાલય ખાતે બુધવારે 22મી માર્ચે બિહાર દિવસની ઉજવણી કરવામાં આવી હતી. વાપીમાં કાર્યરત બિહાર વેલ્ફેર એસોસિએશન દ્વારા પ્રથમ વખત બિહાર દિવસની ઉજવણીનું અયોજન કરવામાં આવ્યું હતું. આ ઉજવણી માં શાળાના બાળકો, વાલીઓની ઉપસ્થિતિમાં વિવિધ સાંસ્કૃતિક કાર્યક્રમો રજૂ કરાયા હતા. તો જાણીતા તબલવાદક સંતોષ પાઠક અને જાણીતા ગાયક કલાકાર આરાધ્યા શર્માએ ભજનની રમઝટ બોલાવી હતી.
...