Gujarat Archives - Page 171 of 216

Jul62022 by Meroo Gadhvi Auranga TimesNo Comments

દાદરા નગર હવેલી ખેતીવાડી વિભાગ દ્વારા દેશી ડાંગરનું ધરું તૈયાર કરી ખેડૂતોને વિતરણ કરાયુ

Gujarat, National

સંઘપ્રદેશ દાદરા નગર હવેલીમાં ચોમાસાને ધ્યાનમાં રાખી સરકારી ડેમોસ્ટ્રેશન ફાર્મ માં તૈયાર કરેલ ડાંગરનું ધરું વિતરણ કરવામાં આવી રહ્યું છે. આ દેશી બિયારણમાંથી તૈયાર કરેલ ડાંગર વધુ ઉત્પાદન સાથે સારી આવક અપાવે છે. દાદરા નગર હવેલીમાં દર વર્ષે ચોમાસામાં ડાંગર ની ખેતી કરવામાં આવે છે. એ માટે ખેડૂતો બિયારણ કેન્દ્ર પરથી બિયારણ ખરીદી તેનું ધરું તૈયાર કરી તે બાદ વાવણી-રોપણી શરૂ કરે છે. હાલમાં પણ મોટાભાગના ખેડૂતોએ બિયારણની ખરીદી કરી ધરું તૈયાર કર્યા બાદ રોપણી ની શરૂઆત કરી દીધી છે. ત્યારે જે ખેડૂતો ને બિયારણની ઘટ પડી હોય તેવા ખેડૂતો ને દાદરા નગર હવેલી ખેતીવાડી વિભાગ સરકારી ફાર્મમાં તૈયાર કરેલ ધરૂનું વિતરણ કરે છે. ખેતી વિભાગના અધિકારી સુરેશભાઈ ભોયાએ જણાવ્યું હતું કે, ગામડાઓમાં ખેડૂતો જે ધરું માટે બિયારણ નાખે છે તે વરસાદ ના પડતા અને વધારે પડતા વરસાદને કારણે ધરું ઉગ્યુંના હોય અને બિયાર...

Jul62022 by Meroo Gadhvi Auranga TimesNo Comments

દમણમાં 2016માં વિકલાંગ મહિલા સાથે બળાત્કાર કરનાર 2 આરોપીઓને 20 વર્ષની સજા

Gujarat, National

દમણમાં વર્ષ 2016 માં કચીગામની ચાલમાં રાતે 1 વાગ્યાના સુમારે રૂમમાં એક સાથે 5 થી 6 લોકો ઘાતક હથિયારો સાથે ધસી જઇ લૂંટ અને ચોરીની સાથે વિકલાંગ મહિલા સાથે બળાત્કાર ગુજાર્યો હોવાની ઘટનાથી ચકચાર મચી હતી. આ પ્રકરણમાં હવે આરોપીને 20 વર્ષની જેલની સજા ફટકારાઇ છે. કચીગામની ચૌલમાં રહેતી વિકલાંગ મહિલાએ પોલીસ મથકમાં ફરિયાદ નોંધાવી હતી ગત 19/10/2016 ના રોજ રાત્રે તેઓ પતિ નાઇટ ડયુટી માટે કંપનીમાં ગયો હતો ત્યારે તે રૂમમાં દરવાજો બંધ કરીને એકલી સુતી હતી. તે દરમ્યાન રાતે 1 વાગ્યાના સુમારે તેના રૂમમાં 5 થી 6 લોકો ઘાતક હથિયારો સાથે ઘુસી ગયા હતાં અને તે તમામ ઇસમોએ એક પછી એક ફરિયાદી પર હથિયારના ઘા ઝીંકી જાનથી મારી નાખવાની ધમકી આપી બળાત્કાર ગુજાર્યો હતો. અને દાગીના લૂંટીને ભાગી ગયા હતા. આ સંદર્ભે કોસ્ટલ પોલીસ સ્ટેશન, મોટી દમણમાં આર્મ્સ એક્ટ હેઠળ કેસ નોંધવામાં આવ્યો હતો જેમાં ગુનેગારોની ઓળખ ...

Jul62022 by Meroo Gadhvi Auranga TimesNo Comments

વાપીમાં ખાડામાં ફેરવાયેલ રસ્તાએ વાહન ચાલકના હાડકા ભાંગ્યા! સોમવાર સુધીમાં રસ્તાઓનુ મરામત કામ નહીં થાય તો જનઆંદોલન!

Gujarat, Most Popular, National

વાપીમાં ચોમાસા દરમ્યાન ડુંગરી ફળિયા વિસ્તારમાં એક વાહન ચાલક રસ્તા પર પડેલા ખાડામાં ગબડી પડ્યો હતો. યુવકને પેટ, છાતીના ભાગે ઇજાઓ સાથે પગમાં ફ્રેક્ચર આવતા હોસ્પિટલમાં સારવાર માટે ખસેડયો છે. તો, વાપીના ભડકમોરાથી ચણોદ તરફના અને ચણોદ થી કરવડ તરફના માર્ગની 11મી જુલાઈ સોમવાર સુધીમાં મરામત કરવામાં નહિ આવે તો જન આંદોલન કરવાની ચીમકી સાથે વલસાડ નેશનલ હાઇવે ઓથોરિટીના કાર્યપાલક એન્જીનીયરને આવેદનપત્ર આપવામાં આવ્યું છે. વાપીમાં ભડકમોરાથી ચણોદ ગેટ સુધી અને ચણોદથી કરવડ સુધીના તમામ રસ્તાઓ ચોમાસા દરમ્યાન ખાડામાર્ગમાં ફેરવાયા છે. જેને કારણે વાહનચાલકો પારાવાર મુશ્કેલી સાથે ટ્રાફિકજામમાં ફસાઈ રહ્યા છે. કેટલાક અકસ્માત નો ભોગ બની રહ્યા છે. ત્યારે ગત રાત્રે ડુંગરી ફળિયા વિસ્તારમાં એક યુવક રસ્તાના આ મસમોટા ખાડામાં ગબડી પડ્યો હતો. જેમાં યુવકને પેટ-છાતીના ભાગે ઇજાઓ થઈ હતી. તેમજ પગના ભાગે ફ્રેક્ચર થયું હત...

Jul52022 by Meroo Gadhvi Auranga TimesNo Comments

બેંકમાં નિર્દોષ લોકોને છેતરવાના પ્રયાસમાં દમણ પોલીસે ત્રણ લોકોને રંગેહાથ ઝડપ્યા

Gujarat, National

બેંકમાં નાણાં જમા કરાવવા કે લેવા આવતા લોકોને નોટ ગણતા આવડતું ના હોય રકમની અદલબદલ કરવાની લાલચ આપી એક 500ની નોટ અને તેની નીચે રદ્દી કાગળ મૂકી છેતરપીંડી આચરતી ગેંગના 3 લોકોને દમણ પોલીસે ઝડપી પાડી વધુ તપાસ હાથ ધરી છે. આ અંગે પોલીસે આપેલી વિગતો મુજબ દમણના કાલરિયા આઉટ પોસ્ટમાં હોમગાર્ડ (ડ્રાઈવર) તરીકે નોકરી કરતા હેમેન્દ્ર અરવિનભાઈ સોલંકી ગત 01/07/2022 ના રોજ તેમના અંગત કામથી સોમનાથ, દમણ ખાતે બેંક ઓફ ઈન્ડિયામાં ગયા હતા. દરમિયાન બે અજાણ્યા શખ્સો તેની પાસે આવ્યા અને ત્યાં ઉભેલા તેના મિત્ર પાસે ઘણા પૈસા છે. પણ તે અભણ છે, ગણતરી કેવી રીતે કરવી તે જાણતો નથી. તેની સાથે પૈસાની આપ-લે કરીશું તેમ જણાવ્યું હતું. હેમેન્દ્ર હોમગાર્ડ તરીકે ફરજ બજાવતો હોય અને અગાઉ આ વિસ્તારમાં સમાન ગુનાનો અનુભવ હોય તેમણે તાત્કાલિક કાલરીયા આઉટ પોસ્ટના ફરજ બજાવતા સ્ટાફને સ્થળ પર બોલાવ્યા હતા. જ્યારે પોલીસ સ્ટાફે આ મામલ...

Jul52022 by Meroo Gadhvi Auranga TimesNo Comments

વાપીની હરિયા હોસ્પિટલમાં શરૂ થશે કિડની ટ્રાન્સપ્લાન્ટ સેન્ટર, દેશમાં અઢી લાખ દર્દીઓ છે

Gujarat, National

વાપીની હરિયા હોસ્પિટલમાં આગામી એક થી 3 મહિનામાં નિયમિત કિડની ટ્રાન્સપ્લાન્ટની સુવિધા શરૂ કરવામાં આવી રહી છે. આ સુવિધા મળવાથી કિડનીની બિમારીથી પિડાતા દર્દીઓને મુંબઈ કે અમદાવાદ સુધી જવું નહી પડે અને મેટ્રો શહે૨ જેવી જ હોસ્પિટલની સુવિધા અહી ઉપલબ્ધ થશે. આ અંગે રોટરીયન કલ્યાણ બેનર્જીએ જણાવ્યું હતું કે અમે છેલ્લા એક વર્ષથી હરિયા હોસ્પિટલ વાપીમાં કિડની ટ્રાન્સપ્લાન્ટ વિભાગની સ્થાપના માટે કામ કરી રહ્યા છીએ. હવે અમારા ડૉક્ટરો અને સ્ટાફની ટીમની મહેનતથી અમે તે હાંસલ કર્યું છે. હોસ્પિટલમાં કિડની ટ્રાન્સપ્લાન્ટ સર્જરી કરવા માટે જરૂરી પરવાનગી મળી છે. તેમણે ઉમેર્યું કે અમે રેનલ ટ્રાન્સપ્લાન્ટ પ્રોગ્રામ માટે ડોકટરો અને સ્ટાફની ટીમને તાલીમ આપી છે. ફુલટાઇમ નેફ્રોલોજિસ્ટ અને યુરોલોજિસ્ટ પેથોલોજી, બાયોકેમિસ્ટ્રી રેડિયોલોજી અને ઇન્ટેન્સિવિસ્ટ સહિત અન્ય વિભાગો ઉપલબ્ધ છે. આ સેન્ટરમાં 400થ...

Jul52022 by Meroo Gadhvi Auranga TimesNo Comments

વાપીમાં દર ચોમાસે 40 વર્ષથી રસ્તાઓના મસમોટા ખાડાથી લોકો ત્રસ્ત છે. કેટલાય મોતને ભેટ્યા છે.

Gujarat, National

ચોમાસામાં દર વર્ષે વાપીમાં ચાર રસ્તાથી ચણોદ ગેટ સુધી અને ચણોદ થી ડુંગરા-દેગામ સુધીનો માર્ગ ખાડા માર્ગ બને છે. આ સમસ્યા 40 વર્ષથી છે. જેનાથી વાપીના લોકો ત્રસ્ત છે. આ વર્ષે પણ હજુ તો સિઝનનો 10 ટકા વરસાદ માંડ પડ્યો છે. ત્યારે ફરી આ રસ્તાઓ પર મસમોટા ખાડા પડી ચુક્યા છે. જે અકસ્માત નોતરી રહ્યા છે. વાપીમાં વાપી ચાર રસ્તાથી ચણોદ ગેટ સુધી અને ચણોદ થી ડુંગરા-દેગામ સુધીનો માર્ગ ફરી એકવાર ખાડા માર્ગ માં રૂપાંતર પામ્યો છે. આ માર્ગને RCC બનાવવાનું વચન છેલ્લા 4 વર્ષથી મંત્રીઓ આપી રહ્યા છે. પરંતુ નીંભર માર્ગ અને મકાન વિભાગ તેમજ સ્ટેટ હાઇવે ઓથોરિટીના ઇજનેરો ટસના મસ થતા નથી. આ માર્ગ ફરી એકવાર ખાડા માર્ગ બનતા લોકો પારાવાર મુશ્કેલીનો સામનો કરી રહ્યા છે. વાપીના આ ખાડા માર્ગ અંગે સામાજિક કાર્યકર ભીમરાવ કટકે એ આક્રોશ ઠાલવ્યો હતો કે આ માર્ગ છેલ્લા 40 વરસથી દર ચોમાસામાં ખાડા માર્ગ બને છે. જેન...

Jul52022 by Meroo Gadhvi Auranga TimesNo Comments

રાજસ્થાનમાં કનૈયાલાલની નિર્મમ હત્યા મામલે આરોપીઓને ફાંસી આપવાની માંગ સાથે વાપીના વેપારીઓએ બંધ પાળ્યો

Gujarat, National

રાજસ્થાનના ઉદયપુરમાં હત્યારાઓએ કનૈયાલાલ નામના યુવકની નિર્મમ હત્યા કર્યા બાદ દેશભરમાં ઘેરા પ્રત્યાઘાત પડ્યા છે. રાજસ્થાન પોલીસે આરોપીઓની ધરપકડ કરી છે. ત્યારે હત્યારા આરોપીને Z સુરક્ષા આપવાને બદલે ફાસ્ટ ટ્રેક કોર્ટમાં સુનાવણી કરી વહેલી તકે ફાંસી આપવાની માંગ સાથે વાપીના વેપારી એસોસિએશન દ્વારા વેપાર ધંધા બંધ રાખી આક્રોશ ઠાલવ્યો હતો. રાજસ્થાનમાં યુવકની થયેલ નિર્મમ હત્યાના પડઘા વાપીમાં પડ્યા છે. વાપીમાં છીરી રોડ પર આવેલ ચામુંડા એસોસિએશન, ધનલક્ષ્મી એસોસિએશન, બાલાજી એસોસિએશન, બજરંગ એસોસિએશન ના વેપારીઓએ સંપૂર્ણ માર્કેટ બંધ રાખી કનૈયાલાલ ની હત્યા કરનારા હત્યારાઓને ફાંસી આપવાની માંગ કરી હતી. વેપારી એસોસિએશન ના ઉમરાવસિંગ ઝાલા અને ભુપેન્દ્રસિંગ એ આક્રોશ ઠાલવતા જણાવ્યું હતું કે, કનૈયાલાલ ની હત્યા કરનારા હત્યારોને રાજસ્થાન સરકાર Z સિક્યુરિટી આપી સરકારના નાણાં વેડફી રહી છે. આ હત્યાર...

Jul52022 by Meroo Gadhvi Auranga TimesNo Comments

દુષ્કર્મના ખોટા આરોપમાં 2 વર્ષ જેલવાસ ભોગવી નિર્દોષ છૂટેલા પિતાએ વાપી કોર્ટના પાર્કિંગમાં સુઈ જઇ પરિવારની જે આબરૂ માન સન્માન ગયું તે પાછું મેળવવા જીદ પકડી!

Gujarat, Most Popular, National

જિલ્લા બાળ સુરક્ષા એકમ અને જિલ્લા બાળ કલ્યાણ સમિતિ જેવી સંસ્થાઓની અધૂરી તપાસ એક પરિવારને કઈ રીતે બરબાદ કરી શકે છે. સમાજમાં કેટલી બદનામી સહન કરવી પડે છે તેનો એક કિસ્સો વલસાડમાં બન્યો છે. જેમાં પુત્રીએ પિતા પર દુષ્કર્મનો ખોટો આરોપ લગાવ્યા બાદ 2 વર્ષે નિર્દોષ છૂટેલા પિતાએ જવાબ માંગ્યો હતો કે તેની અને તેના પરિવારની જે આબરૂ માન સન્માન ગયું તે કેવી રીતે પાછું આવશે? વલસાડ જિલ્લામાં સોમવારે દુષ્કર્મના આરોપમાં નિર્દોષ છૂટનાર બલરામ વિશ્વંભર ઝા એ વાપી કોર્ટ પરિસરના પાર્કિંગ એરિયામાં પોલીસની હાજરીમાં જમીન પર સુઈ જીદ પકડી હતી કે તે નિર્દોષ સાબિત થયો છે તે વાત મીડિયા દ્વારા રજૂ કરવામાં નહિ આવે ત્યાં સુધી ઉઠશે નહિ. જો કે તે બાદ મીડિયા સમક્ષ બલરામ વિશ્વંભર ઝા એ જિલ્લા બાળ સુરક્ષા એકમ અને જિલ્લા બાળ કલ્યાણ સમિતિ જેવી સંસ્થાઓની અધૂરી તપાસ એક પરિવારને કઈ રીતે બરબાદ કરી શકે છે. સમાજમાં કેટલી બદનામી સહન...

Jul42022 by Meroo Gadhvi Auranga TimesNo Comments

દમણ પોલીસે બોર્ડર ચેકિંગ અને પેટ્રોલિંગ દરમિયાન બે ડ્રગ પેડલર અને એક ડ્રગ સપ્લાયરની ધરપકડ કરી 41.24 ગ્રામ MDMA ડ્રગ્સ જપ્ત કર્યું

Gujarat, National

કેન્દ્ર શાસિત પ્રદેશ દમણમાં પણ ડ્રગ્સનો કાળો કારોબાર ચાલી રહ્યો હોવાનો પર્દાફાશ થયો છે. દમણ પોલીસે બોર્ડર ચેકિંગ અને પેટ્રોલિંગ દરમિયાન બે ડ્રગ પેડલર અને એક ડ્રગ સપ્લાયરની ધરપકડ કરી 41.24 ગ્રામ MDMA ડ્રગ્સ જપ્ત કર્યું છે. આ ગુન્હામાં પોલીસે દમણ, ઉત્તરપ્રદેશ અને મહારાષ્ટ્ર ના મળી 3 આરોપીઓની ધરપકડ કરી વધુ તપાસ હાથ ધરી છે. નાની દમણ પોલીસ સ્ટેશનમાં કલમ 21, 22 NDPS એક્ટ હેઠળ ગુનો નોંધવામાં આવ્યો હતો. પોલીસે ત્રણ આરોપીઓ ઉમેશ દિનેશ પટેલ @ કનુ ઉંમર 32 વર્ષ, સરનામું: ધોબી તળાવ, કથીરિયા, નાની દમણ, શિવમ વિપિન શ્રીવાસ્તવ @ યોગી ઉંમર 24 વર્ષ, સરનામું:- ખારીવાડ નાની દમણ, મૂળ: મૈનપુરી, ઉત્તર પ્રદેશ અને અલી સુલેમાન મન્સૂરી 42 વર્ષ, સરનામું:- મુંબઈ, મહારાષ્ટ્ર ની ધરપકડ કરી છે. આ આરોપીઓ પાસેથી MDMA (Mythylenedioxy Methamphetamine) નામનું 41.24 ગ્રામ ડ્રગ્સ, મોબાઈલ ફોન 04 નંગ,...

Jul42022 by Meroo Gadhvi Auranga TimesNo Comments

વાપીમાં 4 ઇંચ વરસાદથી અન્ડરબ્રિજ સહિત નિચાણવાળા વિસ્તારમાં ભરાયા પાણી તમામ મુખ્ય માર્ગ પર ટ્રાફિક જામ

Gujarat, Most Popular, National

વાપી સહિત સમગ્ર વલસાડ જિલ્લામાં અને સંઘપ્રદેશ દાદરા નગર હવેલી દમણમાં સોમવારે 1 ઇંચ થી 5 ઇંચ જેટલો વરસાદ વરસતા નિચાણવાળા વિસ્તારોમાં પાણી ભરાવા સાથે ટ્રાફિક જામ સર્જાયો હતો. વાપીમાં અને ભીલડમાં રેલવે અન્ડરપાસમાં ગોઠણ સુધીના પાણી ભરાતા વાહનોની અવરજવર માટે બંધ કરવામાં આવ્યો હતો. સોમવારે વાપીમાં સવારના 6 વાગ્યાથી રાત્રીના 8 વાગ્યા સુધીમાં 100mm વરસાદ વરસતા વહનચાલકોએ ભારે ટ્રાફિકનો સામનો કરવો પડ્યો હતો. વાપીમાં અનેક નિચાણવાળા વિસ્તારમાં તેમજ રેલવે અન્ડર પાસ માં પાણી ભરાયા હતાં. રેલવે અન્ડર પાસમાં પાણી ભરાતા વાહનચાલકો ની અવરજવર બંધ કરી હતી. જેને કારણે વાપી દમણ બ્રિજ પર કલાકો સુધી ટ્રાફિક જામ રહ્યો હતો. વલસાડ જિલ્લામાં સોમવારે સવારના 6 વાગ્યાથી રાત્રીના 8 વાગ્યા સુધીમાં સરેરાશ એક ઇંચથી 5 ઇંચ જેટલો વરસાદ વરસ્યો હતો. જેમાં ઉમરગામ તાલુકામાં 121mm, કપરાડા તાલુકામાં 34mm, ધરમપુર તાલુ...