Author: Meroo Gadhvi Auranga Times

પાકિસ્તાન જેલમાં કેદ ભારતીય માછીમારો પૈકીના એક નાનુ રામ ક્મલીયાના મૃત્યુ અંગેના પ્રશ્નને ઉઠાવતા રાજ્યસભા સાંસદ શક્તિસિંહ ગોહિલે શુક્રવારે સંસદમાં જીરો અવર્સમાં માછીમારોનો મુદ્દો ઉઠાવતા જણાવ્યું હતું કે, પાકિસ્તાની જેલમાં ગુજરાતના 580 જેટલા માછીમારો કેદ છે.  જેમાંથી ગુજરાતના ગીર સોમનાથ જિલ્લાના ઉના તાલુકાના વાંસોજ ગામના 44 વર્ષીય  માછીમાર નાનુ રામ ક્મલીયા અને અન્ય પાંચ માછીમારોને પાકિસ્તાન મરીન 9 ડીસેમ્બર, 2018ના રોજ ઉઠાવીને લઈ ગઈ હતી. તેમના ઉપર કેસ ચલાવવામાં આવ્યો અને ત્રણ મહિનાની સજા કરવામાં આવી હતી. આ સજા તા. 16 જાન્યુઆરી, 2019 ના રોજ પૂરી થઈ ગઈ હોવા છતાં ભારત સરકાર નાનુ રામ ક્મલીયા અને તેમના સાથીઓને પાછા લાવી શકી નહી. તારીખ 3 ફેબ્રુઆરીના રોજ નાનુ રામ ક્મલીયાનું પાકિસ્તાનની જેલમાં મુત્યુ થઈ ગયુ છે. મૃતદેહ તેમના પરિવારને તાત્કાલિ મળી જવો જોઈએ પરંતુ દોઢ મહિના જેટલો સમય થઈ ગયો હોવા છતાં, સર...