જલારામ બાપાની જન્મ જયંતિ નિમિતે વાપીમાં હરિઓમ મિત્ર મંડળ દ્વારા ભોજન, ભજન અને ભક્તિના સંગમનું અનેરું આયોજન
વીરપુર ના વાસી જલારામ બાપા ભુખ્યાનો સહારો હતાં. તેઓ કહેતા હતા કે જ્યાં બટકું રોટલીનો ટુકડો ત્યાં હરિ ઢૂકડો, આજે પણ તેમની ભુખ્યાને ભોજન કરાવવાની ટેકને વીરપુર જ નહીં પરંતુ સમગ્ર ગુજરાતમાં તેમના ભક્તો દ્વારા શરૂ રાખી ભુખ્યાને ભોજન કરાવવાનો સેવાયજ્ઞ કરી રહ્યા છે. તો એ સાથે દર વર્ષે કારતક શુક્લ પક્ષ સાતમના રવિવારે વીરપુર ધામ અને સમગ્ર રાજ્યની સાથે વાપીમાં જલારામ બાપાની જન્મ જયંતીની ભવ્ય ઉજવણી કરવામાં આવે છે.
વાપીમાં છેલ્લા 17 વર્ષથી હરિઓમ મિત્ર મંડળ દ્વારા જલારામ જયંતિ નિમિત્તે મહાપ્રસાદ, મહાઆરતી અને ભજનના કાર્યક્રમનું અયોજન કરવામાં આવે છે. ફલેશ્વર મહાદેવ મંદિર કોચરવા 3rd ફેઈઝ વાપી GIDC ખાતે ધીરુભાઈ પટેલ તેમના પુત્ર નીતિન પટેલ તેમના મિત્રોના સહયોગમાં છેલ્લા 17 વર્ષથી સ્વખર્ચે જલારામ જયંતીની ઉજવણી કરે છે.
જે અંતર્ગત આ વર્ષે રવિવારે જલારામ બાપાની 224મી જન્મ જયંતિ હતી. એ પવન દિવસે હરિઓમ મિત્...
