ઉમરગામ તાલુકા યુવા સંગઠન દ્વારા પવિત્ર શ્રાવણ માસમાં “માઁ સેવા યાત્રા” અંતર્ગત ગંગા સ્વરૂપા, દિવ્યાંગ, ગરીબ માતાઓ તેમજ અનાથ બાળકો માટે નિઃશુલ્ક ધાર્મિક પ્રવાસનું આયોજન
ઉમરગામ તાલુકા યુવા સંગઠન દ્વારા તાલુકા ની વિધવા, દિવ્યાંગ, અંધ તેમજ આર્થિક નબળી પરિસ્થિતિ ને કારણે જે માતાઓ પોતાના સમગ્ર જીવન દરમિયાન ધાર્મિક યાત્રા ન કરી શક્યા હોય તેવી નિઃસહાય માતાઓ તેમજ અનાથ અને ગરીબ બાળકોને શ્રાવણ ના પવિત્ર માસમાં ધાર્મિક પ્રવાસ કરાવવાના ઉચ્ચ હેતુ સાથે 20 ઓગસ્ટ ને રવિવારે એક દિવસીય નિઃશુલ્ક ધાર્મિક પ્રવાસ "માઁ સેવા યાત્રા" નું આયોજન કરવામાં આવ્યું હતું.
જેમાં ઉમરગામ તાલુકા યુવા સંગઠન ના સભ્યો દ્વારા જન સેવા એજ પ્રભુ સેવા ના સૂત્ર ને સાર્થક કરતા ઉમરગામ તાલુકા ના અંતિયાળ ગામડાઓની વિધવા, નિઃસહાય તેમજ દિવ્યાંગ માતાઓને બારડોલી ખાતે આવેલ પંચ કેદાર ધામ એવા ગર્લતેશ્વર, વાગેચા, એના, કેદારેશ્વર અને રામેશ્વર જેવાં વિવિધ ધાર્મિક તીર્થ સ્થાનોની નિઃશુલ્ક યાત્રા કરાવી હતી.
અહીં ઉલ્લેખનીય છે કે છેલ્લા ધણાં વર્ષૉથી ઉમરગામ તાલુકા યુવા સંગઠન ના યુવાનો દ્વારા જે રીતે શિક્ષણ,...
