October 2022 - Page 4 of 6

Oct182022 by Meroo Gadhvi Auranga TimesNo Comments

વાપી પાલિકાની સામાન્ય સભા યોજાઈ, ડુંગરામાં STP પ્લાન્ટ, જુના ગરનાળાનું બ્યુટીફીકેશન સહિતના કાર્યોની વિગતો આપી

Gujarat, National

વાપી નગરપાલિકા દ્વારા પાલિકા સભા ખંડમાં સામાન્ય સભાનું આયોજન કરવામાં આવ્યું હતું. સામાન્ય સભામાં વિપક્ષી નેતા ખંડું ભાઈ પટેલ, ડુંગરા વોર્ડના નગરસેવકે રસ્તા, પાણી, સ્ટ્રીટ લાઈટ, ગંદકી જેવા મુદ્દે પોતાની હૈયા વરાળ ઠાલવી હતી. જ્યારે પ્રમુખે આગામી દિવસોમાં હાથ ધરાનારા વિકાસના કામોની રૂપરેખા આપી ગત સભાના વિકાસના કામોને બહાલી આપી હતી. વાપી નગરપાલિકામાં દિવાળી પર્વ પહેલા અને ચૂંટણી આચારસંહિતા લાગુ પડે તે પૂર્વે વિકાસના કામોને બહાલી આપવા 10 દિવસ વહેલી સામાન્ય સભા બોલાવી હતી. સામાન્ય સભામાં પાલિકા પ્રમુખ કાશ્મીરા શાહ અને ચીફ ઓફિસર શૈલેષ પટેલે સૌ નગરસેવકોને દિવાળી પર્વની શુભેચ્છા પાઠવી જણાવ્યું હતું કે, વાપી પાલિકા વિસ્તારમાં આગામી દિવસોમાં હાથ ધરાનાર વિવિધ વિકાસના કામોને તાંત્રિક મંજૂરી મળી ગઈ છે. વાપીમાં ટ્રાફિક સમસ્યાને ધ્યાને રાખી આગામી દિવસોમાં જુના રેલવે ગરનાળાનું બ્યુટીફીકેશ...

Oct172022 by Meroo Gadhvi Auranga TimesNo Comments

કોન્ટ્રાકટર વરસાદમાં પણ રોડ પર ડામરના થિંગડા મારતા હોય તો પછી એ ડામર રોડ પર ખાડા જ પડે ને……!

Gujarat, Most Popular, National

વાપી નોટિફાઇડ વિસ્તારમાં વાપીના જાણીતા સરકારી વર્ક ઓર્ડર લઈ કામ કરતા નેતાને 25 ટકા જેટલા ડાઉન રેટના ટેન્ડરે માર્ગમાં પડેલા ખાડાઓનું પેચવર્ક કરવાનો કોન્ટ્રાકટ આપ્યો છે. આ કોન્ટ્રાક્ટરે ચારેક દિવસથી ડામર રોડનું પેચવર્ક શરૂ કર્યું છે. જેમાં સોમવારે બપોરે વરસાદી છાંટા વચ્ચે પણ ડામર નું પેચવર્ક શરૂ રાખતા લોકોમાં આ કામગીરીને લઈને આશ્ચર્ય ફેલાયું હતું. આ વર્ષે વાપીમાં ભારે વરસાદમાં તમામ મુખ્ય માર્ગો ધોવાયા હોવાની આલબેલ પોકારતા નેતાઓ, અધિકારીઓ, કોન્ટ્રાક્ટરો એ જ વરસાદમાં કામ કરતા કોન્ટ્રાક્ટરો સામે કડક વલણ અખત્યાર કરવાને બદલે છાવરતા હોય તેવો ઘાટ વાપી નોટિફાઇડ માં સર્જાયો છે. વાપી નોટિફાઇડ વિસ્તારમાં ચોમાસામાં ધોવાઈ ગયેલા અને ખાડાઓમાં તબદીલ થયેલા રોડનું પેચવર્ક શરૂ થયું છે. આ માટે એક ભાજપના નેતાની જાણીતી પેઢીનું 25 ટકા ઓછા ભાવે ટેન્ડર પાસ કર્યું છે. જો કે 25 ટકા જેટલા ઓછા ભાવે ભરેલા ટેન...

Oct172022 by Meroo Gadhvi Auranga TimesNo Comments

વલસાડ જિલ્લામાં આરોગ્ય વિભાગ દ્વારા રાજ્ય વ્યાપી કાર્યક્રમ અંતર્ગત આયુષ્યમાન કાર્ડનું વિતરણ કરાયું, જિલ્લામાં 4.72 લાખ આયુષ્યમાન કાર્ડના લાભાર્થી છે.

Gujarat, National

વલસાડ જિલ્લા આરોગ્ય વિભાગ દ્વારા આયુષ્યમાન કાર્ડ વિતરણ કાર્યક્રમનું વાપીમાં VIA હોલ ખાતે તેમજ જિલ્લાના તમામ 6 તાલુકા મથકોએ આયોજન કરવામાં આવ્યું હતું. વડાપ્રધાન નરેન્દ્ર મોદીના હસ્તે PMJAY-માં PVC કાર્ડ વિતરણને સમગ્ર રાજ્યના તમામ તાલુકાઓમાં શરૂ કરવાના કાર્યક્રમમાં વડાપ્રધાને વર્ચ્યુલી જોડાય શરૂઆત કરાવી હતી. તેમજ કેટલાક લાભાર્થીઓ સાથે વાર્તાલાપ કર્યો હતો. સમગ્ર રાજ્યના તમામ તાલુકામાં આયોજિત કાર્યક્રમમાં PMJAY-માં અમૃતમ વાત્સલ્ય યોજના હેઠળ વલસાડ જિલ્લામાં આરોગ્ય વિભાગ દ્વારા આયોજિત કાર્યક્રમ અંગે VIA હોલ વાપી ખાતે ઉપસ્થિત રહેલા વલસાડ જિલ્લા મુખ્ય આરોગ્ય અધિકારી ડૉ. અનિલ પટેલે આ યોજના કેટલી ઉપયોગી છે. તેનું માર્ગદર્શન આપ્યું હતું. આ કાર્યક્રમ અંતર્ગત સમગ્ર રાજ્યમાં 50 લાખ કાર્ડનું વિતરણ કરવામાં આવ્યું હતું. જેનું જીવંત પ્રસારણ VIA હોલ ખાતે ઉપસ્થિત તાલુકાના લાભાર્થીઓએ નિહાળ્યું હતું....

Oct162022 by Meroo Gadhvi Auranga TimesNo Comments

વાપી નજીક બલિઠા થી મોરાઈ ફાટક સુધીના હાઇવે પર 3 ના અકસ્માતમાં મોત થતા અરેરાટી

Gujarat, National

વાપી પંથકમાં બલિઠાથી બગવાડા ટોલ પ્લાઝા સુધીના નેશનલ હાઇવે પર શનિવારે 2 યુવકો અને એક આધેડને કાળ આંબી જતા અરેરાટી ફેલાઈ હતી. મૃતકોમાં 2 યુવાનો મોટર સાયકલ પર જતાં હતાં ત્યારે ફોર્ચ્યુનર કારના ચાલકે અડફેટે લેતા મોત નીપજ્યું હતું. જ્યારે બીજી ઘટનામાં એક આધેડ પુરુષ એક્ટિવા લઈને જતા હતા ત્યારે ટ્રકે અડફેટે લેતા સ્થળ પર જ મૃત્યુ થયું હતું. આ જ માર્ગ પર આ બંને અકસ્માત પહેલા એક કોન્ક્રીટ મિક્સર, ટ્રક, કન્ટેનર વચ્ચે ટ્રિપલ અકસ્માત પણ સર્જાયો હતો. પોલીસ મથકમાંથી મળતી વિગત મુજબ ફોર્ચ્યુનર કાર નંબર GJ15-CG-3208 ના ચાલક 22 વર્ષીય રોહિત વિજેન્દ્ર શર્મા વાપી તરફ આવતો હતો. ત્યારે બલિઠા નહેર, બ્રહ્મદેવ મંદિર નજીક બાઇક પર સવાર 2 યુવકોને અડફેટે લેવા સાથે હાઇવે નજીક બનાવેલ એક પરબ ને પણ જમીનમાથી ઉખેડી દૂર સુધી ઢસડી હતી. ઘટના બાદ પોલીસે મૃતક પરિવારના મોભી ની ફરિયાદ આધારે કાર ચાલક સામે તપાસ હાથ ધરી હત...

Oct152022 by Meroo Gadhvi Auranga TimesNo Comments

વલસાડ જિલ્લામાં દિવાળી પર્વમાં 30 ટકા જેટલા ભાવ વધારા બાદ પણ ગ્રાહકો ફટાકડા ખરીદવા ઉમટ્યા

Gujarat, National

પર્વનું મહાપર્વ એટલે દિવાળી, સામાન્ય રીતે દિવાળી એટલે રંગ બેરંગી અને ધૂમધડાકા વાળા ફટાકડા ફોડવાનો ઉત્સવ છે. જો કે કોરોના કાળના 2 વર્ષમાં દિવાળી પર્વને હર્ષોલ્લાસભેર નહિ ઉજવી શકનાર લોકોએ આ વર્ષે ઉત્સાહભેર દિવાળી પર્વ ઉજવવાનું મન બનાવ્યું છે. જેને લઈને અત્યારથી જ ફટાકડા બજારમાં તેજી જોવા મળી રહી છે. વલસાડ જિલ્લામાં ફટાકડાના વેપારમાં ખૂબ જ જાણીતા એવા ભિલાડના લક્ષ્મી જનરલ સ્ટોરના પ્રોપરાઈટર નરેશ કુમાર શાહને ત્યાં અત્યારથી જ વલસાડ જિલ્લાના ગ્રામ્ય વિસ્તારોમાંથી તેમજ વાપી-વલસાડ ઉમરગામ શહેરમાંથી મોટી સંખ્યામાં લોકો ફટાકડાની ખરીદી કરવા આવી રહ્યા છે. સપ્તાહ પહેલા જ ફટાકડા ખરીદીમાં ઘરાકી જોવા મળતા નરેશ શાહે જણાવ્યું હતું કે, કોરોના કાળના 2 વર્ષ બાદ આ વર્ષે સારી ઘરાકી જોવા મળી રહી છે. પરંતુ તામિલનાડુના શિવા કાશી અને રાજકોટ અમદાવાદ જેવા શહેરોમાં થી આવતા ફાટકડામાં 30 થી 40 ટકા જેટલો ભાવ ...

Oct132022 by Meroo Gadhvi Auranga Times2 Comments

વાપીમાં દિવાળી બાદ ઔદ્યોગિક ક્ષેત્રે વિકાસ તેજ ગતિએ આગળ વધશે….! ઉદ્યોગો માટે 2 વર્ષ બાદ દિવાળીનું પર્વ અનેક ખુશીઓ લઈ ને આવ્યું……!

Gujarat, Most Popular, National

ઉદ્યોગ સંચાલકોનું અને GIDC, GPCB અધિકારીઓનું માનીએ તો આ દિવાળી બાદ પણ વલસાડ જિલ્લાના વાપી, સરીગામ, ઉમરગામ, ગુંદલાવ સહિતની GIDC માં ઔદ્યોગિક તેજી જોવા મળશે. જેમાં વાપીની વાત કરીએ તો દિવાળી બાદ વાપીમાં આકાર લેનારા 5000 કરોડના ઇન્ડસ્ટ્રીયલ હબની ગતિવિધિ આગળ વધશે. દમણગંગા નદી કિનારે 212 એકર જેટલી જમીનમાં બનનાર આ ઇન્ડસ્ટ્રીયલ હબ માં પેપર, ફાર્મા, એન્જીનીયરીંગ જેવા અનેક યુનિટ ઉભા કરવામાં આવશે. અને મોટી સંખ્યામાં લોકોને રોજગારી મળશે. એ સાથે વાપી GIDC ના તમામ ફેઝ માં અંદાજિત 110 જેટલા ઉદ્યોગો તેમના એકમોનું એક્સપાંશન કરવાની તૈયારી કરી રહ્યા છે. તો, સરકાર પણ લોકોને સુવિધાઓ આપવા ચણોદથી વલવાડા તરફનો દમણગંગા નદી પર અદ્યતન બ્રિજ બનાવી ટ્રાફિકનું ભારણ હળવું કરશે. ઉદ્યોગોમાં કામ કરતા કામદારો અને ઉદ્યોગપતિઓ ના બાળકો માટે વાપી વિસ્તારમાં અદ્યતન મેડિકલ કોલેજ, સાયન્સ કોલેજ, આરોગ્ય ...

Oct122022 by Meroo Gadhvi Auranga TimesNo Comments

વાપીમાં ગુજરાત ગૌરવ યાત્રાના આગમન સાથે વિધાનસભા ચૂંટણી 2022નો ચૂંટણી પ્રચાર, નાણાપ્રધાન કનું દેસાઈએ આપી વિગતો

Gujarat, National

13મી ઓક્ટોબરે ઉનાઈથી ગૃહ પ્રધાન અમિત શાહ અને મુખ્યપ્રધાન ભુપેન્દ્ર પટેલની આગેવાનીમાં પ્રસ્થાન થનારી ગુજરાત ગૌરવ યાત્રા અને બિરસા મુંડા આદિવાસી ગૌરવ યાત્રાનું વાપીમાં ભવ્ય સ્વાગત કરવામાં આવશે. તેમજ વાપીમાં કેન્દ્રના અને કેબિનેટના પ્રધાનો જંગી જાહેર સભાને સંબોધન કરશે તેવી વિગતો રાજ્યના નાણાપ્રધાન કનુભાઈ દેસાઈએ આપી હતી. ગુજરાતની વિધાનસભા ચૂંટણી 2022 ના ગણતરીના જ દિવસો બાકી રહ્યા છે. ત્યારે ભાજપે ફરી એકવાર નરેન્દ્ર મોદીએ શરૂ કરેલી ગુજરાત ગૌરવ યાત્રાને ગુજરાતના તમામ વિધાનસભા બેઠકો પર ફરતી કરી છે. ગુજરાતના મતદારો ભાજપ સરકારે કરેલા ગુજરાતના વિકાસને જાણે અને ફરી એકવાર આવનારી ચૂંટણીમાં ભાજપને જંગી બહુમત અપાવે તેવા ઉદ્દેશ્યથી ગુજરાતમાં ગુજરાત ગૌરવ યાત્રાની શરૂઆત કરી છે. ગુજરાત ગૌરવ યાત્રા અંતર્ગત બુધવારે ઉનાઈ ખાતેથી કેન્દ્રના ગૃહપ્રધાન અમિત શાહ તેમજ ગુજરાતના મુખ્યપ્રધાન ભુપેન્દ...

Oct112022 by Meroo Gadhvi Auranga TimesNo Comments

ઉમરગામના સોળસુંબા ગામના ડેપ્યુટી સરપંચે 12 લાખની લાંચ માંગી, ACB એ ક્લાર્કને 3 લાખની લાંચ સ્વીકારતા ઝડપી પાડ્યો

Gujarat, Most Popular, National

ઉમરગામ તાલુકાના સોલસુંબા ગ્રામ પંચાયતમાં ACB એ ગોઠવેલ લાંચ ના છટકામાં ડેપ્યુટી સરપંચ અને ક્લાર્ક ઝડપાઇ જતા ચકચાર મચી ગઇ છે. ACB એ ફરિયાદીની કારમાંથી 3 લાખ ની લાંચ સ્વીકારતા હંગામી ક્લાર્ક અને ડેપ્યુટી સરપંચ ની અટક કરી આગળની કાર્યવાહી હાથ ધરી છે. લાંચ ની આ ચકચારી ઘટના અંગે ACB એ આપેલ વિગત મુજબ તેમને જાગૃત નાગરિકે ફરિયાદ કરી હતી કે, ઉમરગામ તાલુકાના સોલસુંબા ગામે વડીલોપાર્જિત બીનખેતીની જમીન ઉપર રહેણાંક મકાન તથા વાણિજય પ્રકારનું બાંધકામ કરવા માંગતા હતાં. જે માટે સોળસુંબા ગામ પંચાયતમાંથી બાંધકામની રજાચીઠ્ઠી/ઠરાવની જરૂર હતી જે લેવા જતા ડેપ્યુટી સરપંચ અમીતકુમાર મણિલાલ પટેલે 15 લાખની લાંચ ની માંગણી કરી હતી. જે અંતે 12 લાખમાં નક્કી કરાઈ હતી. આ રકમ ફરિયાદી આપવા માંગતા નહોતા જેથી તેમણે ACB માં ફરિયાદ કરી હતી. આ ફરિયાદ આધારે ટ્રેપીંગ અધિકારી એ. કે. ચૌહાણ, પોલીસ ઇન...

Oct102022 by Meroo Gadhvi Auranga TimesNo Comments

વાપીમાં આહીર સમાજે શરદ પૂર્ણિમાએ રાસ ગરબાનું આયોજન કર્યું, પરંપરાગત વસ્ત્ર પરિધાનમાં સજ્જ થઈ આહીર રાસ ની રમઝટ બોલાવી

Gujarat, National

વાપીમાં શ્રી સમસ્ત સૌરાષ્ટ્ર-કચ્છ આહીર સેવા સમાજ દ્વારા શરદ પૂર્ણિમા નિમિતે રાસ ગરબાનું આયોજન કર્યું હતું. જેમાં મોટી સંખ્યામાં ઉપસ્થિત આહીર સમાજની મહિલાઓએ ભાતીગળ વસ્ત્રોમાં ઉપસ્થિત રહી પ્રાચીન આહીર રાસની રમઝટ બોલાવી હતી. ઉલ્લેખનીય છે કે આહીર રાસ અને ઢોલના તાલે રાસ રમાડતા અમરા ઢોલી પાછળ 140 આહીરાણીઓ વ્રજવાણી માં સતી થઈ હોવાની અનેક દંતકથાઓ છે. કવિઓ, લેખકોએ આહીર રાસ, આહીરોની ખુમારી અને ખમીરને એક અનોખી ઓળખ અપાવી છે. વાપી સહિત સમગ્ર વલસાડ જિલ્લો અને સંઘપ્રદેશ દાદરા નગર હવેલી દમણને કર્મભૂમિ બનાવી સ્થાઇ થયેલા સૌરાષ્ટ્ર-કચ્છના આહીર સમાજે વાપીમા શરદ પૂર્ણિમાની ઉત્સાહભેર ઉજવણી કરી હતી. ભગવાન કૃષ્ણની પરંપરા આહિર સમાજે જાળવી રાખી છે. આજના દિવસે રાસ ગરબા રમવા સાથે સમાજના દરેક લોકો એકબીજાને હળેમળે છે. છેલ્લા 15 વર્ષથી આ પ્રકારે શરદ પૂનમે રાસ ગરબાનું આયોજન કરવામાં આવે છે. ...

Oct92022 by Meroo Gadhvi Auranga TimesNo Comments

વલસાડ રૂરલ પોલીસે ઝડપ્યો સિકયુરીટીના વેશમાં મંદીરની દાનપેટી તોડી રોકડ રકમની ચોરી કરતો બેરોજગાર કમ્પ્યુટર એન્જીનીયર

Gujarat, National

વલસાડના ખજૂરડી ગામે આવેલ સ્વામિનારાયણ મંદિરની દાનપેટી તોડી રોકડ રકમની ચોરી કરનાર ચોરની વલસાડ રૂરલ પોલીસે ધરપકડ કરી છે. પકડાયેલ ચોર ડીપ્લોમાં કોમ્પ્યુટર એન્જીનીયર છે. જે ધરમપુર ખાતે સિકયુરીટી ગાર્ડ તરીકે નોકરી કરતો હતો. જે છૂટી જતા બેરોજગાર બન્યો હતો. જેથી મોબાઇલમાં ગુગલ મેપ સ્વામીનારાયણ મંદીર સર્ચ કરી સિકયુરીટીનો ડ્રેસ પહેરી મંદીરમાં ચોરી કરવા જતો હતો. અલગ અલગ મંદીરોમાં દિવસ દરમ્યાન દાનપેટી તોડી ચોરી કરી હોવાનો ખુલાસો કર્યો છે. ગત 6 ઓક્ટોબરે વલસાડ રૂરલ પોલીસ સ્ટેશન વિસ્તારમાં આવેલ ખજુરડી ગામના સ્વામીનારાયણ મંદીરમાં એક અજાણ્યા ઇસમેં સિક્યુરીટીનો ડ્રેસ પહેરી મંદીરમાં ગેરકાયદેસર પ્રવેશ કરી મંદીરમાં રહેલ દાનપેટીનુ તાળુ તોડી દાનપેટીમાંના રોકડા રૂપીયા આશરે 1200 આસપાસની મત્તાની ચોરી કરી લઇ નાશી ગયો હતો. જે અંગે વિક્કી જનકભાઇ પટેલે વલસાડ રૂરલ પો.સ્ટે.મા ગુન્હો દાખલ કરાવેલ હતો. ...