વલસાડ જીલ્લામાં પ્રોહીબિશનની પ્રવૃતિને નેસ્ત નાબુદ કરવા વલસાડ જીલ્લા પોલીસ અધિક્ષક ડો રાજદીપસિંહ ઝાલાની સુચના અને પો.ઈન્સ. વી.બી.બારડ, એલ.સી.બી વલસાડના માર્ગદર્શન મુજબ બાતમી આધારે વાપી GIDC-VIA ચાર રસ્તા નજીક VAPI-99 નામની બિલ્ડીંગની સામે રોડ ઉપરથી એક આઈશર ટેમ્પોમાં નવસારી લઈ જવાતો ગેરકાયદેસર દારૂ તથા કાપડ, કાર મળી કુલ 22,41,415 રૂપિયાના મુદ્દામાલ સાથે 4 બુટલેગરોની ધરપકડ કરી છે.
LCB ની ટીમે 5 લાખના આઈસર ટેમ્પો નં. DN09-M-9698 માં ભરેલ 11,03,115 રૂપિયાની કિંમતના 240 કાપડના રોલની આડમાં સંતાડેલ 29 બોક્ષમાં 1,12,800 રૂપિયાની કિંમતનો વ્હીસ્કી/બીયરનો જથ્થો ઝડપી પાડ્યો હતો. પોલીસે ટેમ્પોમાં સવાર ઇસમોની અંગ ઝડતીમાંથી 25,500ની કિંમતના 5 મોબાઈલ, પાયલોટીંગ કરવા ઉપયોગમાં લીધેલ સફેદ કલરની હુન્ડાઈ વેન્યુ કાર નં. GJ15-CM-4866 જેની કિંમત 5 લાખ તેમજ ટેમ્પો-કાપડની કિંમત ગણી કુલ 22,41,415 રૂપિયાના મુદામાલ સાથે 4 આરોપીની ધરપકડ કરી હતી.
પોલીસે આઈસર ટેમ્પો ચાલક અનીલકુમાર ચંદ્રજીત યાદવ ઉ.વ. 32 રહે હાલ.લવાછા કરમખલ રોડ મહેન્દ્રભાઈની ચાલીમાં રૂમ નં -07 તા.વાપી જી , વલસાડ મુળ રહે, જી, ચંદોલી યુપી તથા સફેદ કલરની વેન્યુ કારમાં પાયલોટીંગ કરનાર / પ્રોહી જથ્થો ભરાવનાર આરોપીઓ (1) વિકાસ આશારામ યાદવ ઉ.વ. 23 રહે હાલ.સેલવાસ બાવીસા ફળીયા ત્રણ રસ્તા પાસે પોતાના મકાનમાં (2) હર્ષ અજીત મિશ્રા ઉ.વ. 23 રહે હાલ.લવાછા કનૈયા નગર કરમખલ રોડ કિશનભાઈની ચાલીની બાજુમાં તા.વાપી જી.વલસાડ જી.સીતામઢી બિહાર ( ૩ ) કરણ રાજુ યાદવ ઉ.વ .19 રહે.હાલ લવાછા બાપુનગર પ્રમોદભાઈની ચાલીમાં રૂમ નંબર -01 તા.વાપી જી.વલસાડ મુળ રહે જી.આજમગઢ યુપીનાઓને પકડી આગળની કાર્યવાહી હાથ ધરી છે.
તો, આ પ્રોહીબિશનનો જથ્થો ભરાવનાર આરોપી દિલીપ રહે. સામરવરણી સેલવાસ તથા પ્રોહી જથ્થો મંગાવનાર આરોપી ભાવેશ ઉર્ફે સમીર રહે. સીસોદરા જી. નવસારીનાઓને વોન્ટેડ જાહેર કરી દારૂનો જથ્થો ગુજરાત રાજયની હદમાં ઘુસાડી તમામે એકબીજાની મદદગારી કરી ગુન્હો કરેલ હોય તમામ વિરૂધ્ધ વાપી જી.આઈ.ડી.સી પોલીસ સ્ટેશનમાં ફરીયાદ નોંધાવી છે. હાલ આરોપી તથા મુદામાલનો કબજો વધુ તપાસ અર્થે વાપી જી.આઈ.ડી.સી પોલીસ સ્ટેશનમાં સુપ્રત કરેલ છે.
આમ, એલ.સી.બી.વલસાડની ટીમને મહત્વની સફળતા મળેલ છે. સદર કામગીરી એલ.સી.બી વલસાડ એ.એસ.આઈ રાકેશભાઈ રમણભાઈ તળપદા તથા અ.હે.કો મહેન્દ્રભાઈ ગુરજીભાઈ ગામીત તથા આ.હે.કો અરુણ સીતારામ ઝાંજે તથા અ.પો.કો પરેશભાઈ રઘજીભાઈ ચૌધરી નાઓએ ટીમ વર્કથી કરેલ છે .