વાપી નજીક ટુકવાડા ગામમાં આવેલ Podar international School ખાતે શનિવારે શાળાનો 9મો Annual Day ઉજવાયો હતો. Return of Vikram and Betal થીમ પર આયોજિત આ એન્યુઅલ ડેમાં દમણ-દિવના સાંસદ ઉમેશ પટેલ, વિવિધ સંસ્થાના આગેવાનો, અન્ય શાળાના પ્રિન્સિપાલ, ઉદ્યોગપતિઓ ઉપસ્થિત રહ્યા હતાં. જેઓ સમક્ષ શાળાના 700થી વધુ વિદ્યાર્થીઓએ ગીત-સંગીતના તાલે પોતાનામાં રહેલી પ્રતિભાના દર્શન કરાવ્યા હતાં.
આ એન્યુઅલ ડે અંગે શાળાના પ્રિન્સિપાલ અનુપમ ઉપાધ્યાયે જણાવ્યું હતું કે, શાળાનો આ 9મો એન્યુઅલ ડે હતો. જેમાં શાળાના તમામ 700થી વધુ વિદ્યાર્થીઓએ ભાગ લીધો હતો. શાળામાં નર્સરીથી લઈને ધોરણ 12 સુધીના અભ્યાસક્રમ ચાલે છે. જેમાં વિદ્યાર્થીઓને અભ્યાસ સાથે ઇત્તર પ્રવૃત્તિમાં પણ રસ લે તેવા પ્રયાસ કરાય છે. આ વર્ષે જે થીમ પસંદ કરવામાં આવી હતી. તે આપણી પ્રાચીન કથા વિક્રમ વૈતાલ પર હતી. જેને આજના મોર્ડન ટચ સાથે Return of Vikram and Betal ની થીમ સાથે રજૂ કરવામાં આવી હતી. વિદ્યાર્થીઓએ તે માટે વિક્રમ વૈતાલના નાટકો પ્રસ્તુત કર્યા હતાં. હેલોવીન થિમથી ઉપસ્થિત સૌએ રોમાંચનો આનંદ ઉઠાવ્યો હતો.
આ પ્રસંગે વિશેષ ઉપસ્થિત રહેલા દમણ-દિવના સાંસદ ઉમેશ પટેલે જણાવ્યું હતું કે, ભારત શિક્ષણક્ષેત્રમાં આજે પણ અન્ય વિદેશની સંસ્થાઓની તુલનાએ ખૂબ જ પાછળ છે. ઇન્ટરનેશનલ સ્ટાન્ડર્ડ સાથેનું શિક્ષણ મેળવવા એટલે જ હજારો વિદ્યાર્થીઓ વિદેશમાં જાય છે. ખેદ ની વાત છે કે,વિશ્વની ટોપ 500 યુનિવર્સિટીમાં ભારતની એકાદ યુનિવર્સિટી જ છે. ત્યારે, પોદાર ઇન્ટરનેશનલ જેવી સંસ્થાઓ સારા અભ્યાસ સાથેની આ પ્રવૃત્તિઓ કરી રહી છે. ભારતના વિદ્યાર્થીઓને વિદેશ જેવું શિક્ષણ આપે છે. જે ખૂબ જ સારો પ્રયાસ છે.
ઉલ્લેખનીય છે કે, ડિસેમ્બર મહિનો શાળાઓમાં વાર્ષિકોત્સવની ઉજવણીનો મહિનો મનાય છે. મોટાભાગની અંગ્રેજી માધ્યમની શાળાઓમાં આ મહિનાના અંત સુધીમાં એન્યુઅલ ડે ની રંગેચંગે ઉજવણી કરવામાં આવે છે. પોદાર ઇન્ટરનેશનલ સ્કૂલમાં પણ 9મો એન્યુઅલ ડે ઉજવાયો હતો. જેમાં શાળાના વાર્ષિક રિપોર્ટ રજૂ કરવા ઉપરાંત સમાજ ઘડતરનો ઉત્તમ સંદેશ આપતી થીમ પર વિશેષ કાર્યક્રમ યોજાયો હતો. ડાન્સ, નાટક, સહિતના આકર્ષણ ઉભા કરી બાળકોમાં રહેલી પ્રતિભાના દર્શન કરાવાયા હતાં. ઉપસ્થિત મહાનુભાવો, શાળાના વિદ્યાર્થીઓઓના વાલીઓ, શાળાના વિદ્યાર્થીઓ સૌ કોઈએ ઉત્સાહભેર આ એન્યુઅલ ડે ને માણ્યો હતો. એન્યુઅલ ડે માં શાળાના પ્રતિભાશાળી વિદ્યાર્થીઓનું અને તેના માતાપિતાનું સન્માન કરાયું હતું. તો, એન્યુઅલ ડે ને સફળ બનાવવા મહેનત કરનાર શાળાના તમામ શિક્ષકોનું પણ સન્માન કરી અભિનંદન પાઠવવામાં આવ્યા હતાં.
