રવિવારે 23 જૂનના દિવસે પોલિયો નેશનલ રાઉન્ડ નો આરંભ થઈ જવા રહ્યો છે. જે અનુસંધાને રવિવારના દિવસે વાપી તાલુકામાં અંદાજિત 200 જેટલા પોલિયોના બુથ ગોઠવવામાં આવ્યા છે. જ્યાં 0થી પાંચ વર્ષના બાળકો ને પોલિયોની રસી પીવડાવવામાં આવી રહી છે. 
પોલિયો રસી અભિયાન અંગે વલસાડ જિલ્લા આરોગ્ય વિભાગ દ્વારા વિશેષ આયોજન કરવમાં આવ્યું છે. તેમજ દરેક બુથ પર વાપીવાસીઓ તેમના પરિવાર માં જે બાળકો પાંચ વર્ષથી નીચેના છે. તે તમામ બાળકોને પોલિયો રસી અપાવે તેવી અપીલ કરી છે. 
વલસાડ જિલ્લામાં અને વાપીમાં તમામ બુથ નો સમય સવારે 9:00 વાગ્યા થી લઈને સાંજે 5:00 વાગ્યા સુધીનો છે. આ સમયગાળા દરમ્યાન જે વાલીઓ પોતના બાળકોને પોલિયોની રસી મુકાવવામાં બાકાત રહી ગયા છે. તેવા બાળકોને તેમના વાલીઓ સોમવાર અને મંગળવારના દિવસે રેલ્વે સ્ટેશન, બસ ડેપો, કચીગામ ચેકપોસ્ટ, દાદરા ચેકપોસ્ટ, ડાભેલ ચેકપોસ્ટ પર જે બુથ શરૂ રહેશે ત્યાં, સવારે 9:00 વાગ્યાથી લઈને રાત્રે 9:00 વાગ્યા સુધી આ લાભ લઇ શકશે.
ઉલ્લેખનીય છે કે, સોમવારે 24 તારીખથી લઈને શનિવાર સુધી આખા અઠવાડિયા પોલીયોનું હાઉસ ટુ હાઉસ રાઉન્ડ પણ યોજવામાં આવશે જેમાં આરોગ્ય ખાતા ની ટીમ ઘરે ઘરે પોલિયો પીવડાવવા આવશે. એટલે જો તમારા બાળકને બૂથ પર પોલિયો પીવડાવાનું રહી ગયું હોય તો તમે સોમવારથી શનિવાર દરમ્યાન પોતાના ઘરે જ આવેલી આરોગ્યની ટીમ પાસે બાળકને પોલિયો રસી ના ડોઝ અપાવી આ અભિયાનને સફળ બનાવવામાં પોતાનું યોગદાન આપી શકો છો.
