વાપી ખાતે આવેલ ‘શ્રી જૈન યુવક મંડળ ઇંગ્લીશ મીડિયમ સ્કૂલમાં તારીખ 26/01/2024, શુક્રવારના રોજ 75મા ગણતંત્રદિવસની ધામધૂમ પૂર્વક ઉજવણી કરવામાં આવેલ હતી.શાળાના પટાંગણમાં ધ્વજવંદન શ્રી સુંદરલાલભાઈ શાહ સરના વરદહસ્તે કરવામાં આવેલ હતું.
આ રાષ્ટ્રીય અવસર પર ઓનરરી સેક્રેટરી શ્રી ચંદ્રેશભાઈ શાહ સર, કમિટી મેમ્બર શ્રી સુનિલભાઈ શાહ સર તેમજ આર.જી. એ.એસ. અને આર. એચ. એસ. શાળાના આચાર્ય શ્રી ભુપેન્દ્રભાઈ સોલંકી સર તેમજ શૈક્ષણિક અને બિન શૈક્ષણિક સ્ટાફની પ્રેરક ઉપસ્થિતિ હતી. શ્રી અજયભાઈ શાહ સર, શ્રી રોહિતભાઈ શાહ સર , શ્રી હરીનભાઈ શાહ સર, શ્રી હેમંત ભાઈ શાહ સર તેમજ અન્ય કમિટી મેમ્બર દ્વારા શુભેચ્છાઓ પાઠવવામાં આવી હતી. ધ્વજ વંદન સાથે રાષ્ટ્રગીત અને દેશભક્તિ ગીત દ્વારા સમગ્ર શાળા પ્રાંગણ ગુંજી ઉઠ્યું હતું.
પ્રેસિડેન્ટ શ્રી સુંદરલાલભાઈ શાહ સર દ્વારા પ્રેરક ઉદ્બોધન કરવામાં આવેલ હતું અને આ દિન વિશેષની સમજૂતી આપવામાં આવેલ હતી. પધારેલા મહાનુભાવો તેમજ શાળાના આચાર્યાશ્રી શ્રીમતી શ્રદ્ધાબેન દેસાઈ દ્વારા શાળાના તેજસ્વી તારલાઓનું શિલ્ડ તથા પ્રમાણપત્ર આપી સન્માન કરવામાં આવેલ હતું. શિક્ષકો દ્વારા સમગ્ર શાળાને પ્રસંગોચિત સુશોભન કરવામાં આવેલ હતું. વિદ્યાર્થીઓએ પણ સાંસ્કૃતિક કાર્યક્રમો રજૂ કર્યા હતાં તો વાલીઓ એ પણ ખૂબ ઉત્સાહભેર કાર્યકમને વધાવ્યો હતો. સમગ્ર શાળા પરિવારે ગૌરવભેર આ કાર્યક્રમને માણ્યો હતો.
